Bahouddin Sam I
Баҳоуддин Сам И (форсча: بهاء الدین سام) 1149-йилда қисқа муддат ҳукмронлик қилган Ғурийлар ҳукмдори бўлган. Сайфиддин Сурийнинг укаси ва вориси эди.
| Баҳоуддин Сам И | |||||
|---|---|---|---|---|---|
| Салтанат | 1149 | ||||
| Ўтмишдоши | Сайфиддин Сурий | ||||
| Давомчиси | Аловуддин Ҳусайн | ||||
| Туғилиши | Ғур | ||||
| Вафоти | тах. 1149 | ||||
| Фарзандлари |
Ғиёсиддин Муҳаммад Муъизз уд-Дин Муҳаммад | ||||
| |||||
| Отаси | Изз уд-Дин Ҳусайн | ||||
| Дини | Ислом (Суннийлик) | ||||
Биографияси
Ғурийлар ҳукмдори Сайфиддин Сурий тахтга ўтиргач, Ғурийлар давлатини укалари ўртасида тақсимлади. Жумладан, Фахриддин Масуд Тажан дарёси яқинидаги ерларни олди. Баҳоуддин Сам И Ғурни, Шиҳабиддин Муҳаммад Харнак Мадинни, Шужа уд-Дин Али Жармасни, Аловуддин Ҳусайн Вожиристонни; Қутбиддин Муҳаммад эса Варшад Варшни олиб, у ерда машҳур Фирузкуҳ шаҳрини барпо этди[1]. Бироқ, кейинчалик Сайфиддин укаси Қутб билан жанжаллашди. Қутб Ғазнага бошпана излаб борди ва у ерда Ғазнавийлар султони Баҳромшоҳ томонидан заҳарлаб ўлдирилди.
Укаси учун қасос олиш мақсадида Сайфиддин 1148-йилда Ғазнага юриш қилди ва Ғазна жангида ғалаба қозонди, Баҳром эса Куррамга қочди[2]. Баҳром қўшин тўплаб, яна Ғазнага қайтди. Сайфиддин чекинди, бироқ Ғазнавийлар қўшини уни қувиб етди ва Санги Сурахда жанг бўлди. Сайфиддин ҳамда Мажд уд-Дин Мусавий асир олиниб, кейинчалик Пулии Як Тақда хочга тортиб қатл этилди.
Сайфиддиннинг вафотидан сўнг тахтга укаси Баҳоуддин Сам И ўтирди. Баҳоуддин Фирузкуҳда қурилиш ишларини давом эттирди ҳамда икки акасининг ўлими учун қасос олиш мақсадида Ғазнага юриш қилиш учун қўшин тайёрлади. Бироқ, шаҳарга етиб боришидан олдин тез орада табиий сабабларга кўра вафот этди. Шундан сўнг Сайфиддун ва Баҳоуддиннинг укаси Аловуддин Ҳусайн Ғурийлар тахтига ўтирди.
Манбалар
Адабиётлар
- C. Эдмунд, Босwортҳ (2001). "ГҲУРИДС". Энcйcлопаэдиа Ираниcа, Онлине Эдитион. ҳттп://www.ираниcаонлине.орг/артиcлес/гҳуридс.<!--->
- Босwортҳ, C. Э. „Тҳе Политиcал анд Дйнастиc Ҳисторй оф тҳе Ираниан Wорлд (А.Д. 1000–1217)“, . Тҳе Cамбридге Ҳисторй оф Иран, Волуме 5: Тҳе Салжуқ анд Монгол периодс. Cамбридге: Cамбридге Университй Пресс, 1968 — 1–202-бет. ИСБН 0-521-06936-Х.