Bandrek
Бандрек (индонезча: бандрек) — Индонезиянинг Ява ороли ғарбида яшовчи халқ сундлар учун анъанавий бўлган, зираворлар қўшилган қайноқ ва ширин сутли ичимлик. Салқин баланд тоғли ҳудудларда яшовчи сундлар тунда ва совуқ ҳавода исиниш учун бандрек истеъмол қиладилар[1].
Ичимлик занжабил, палма шакари ва должин аралашмасидан тайёрланади. Баъзида юлдузча қизилмия, қалампирмунчоқ, кашнич уруғлари, кардамон пўстлоғи, лемонграсс, қора қалампир, қора арча резаворлари каби бошқа ингредиэнтлар ҳам қўшилади. Биринчидан, оловда зираворлар билан сироп тайёрланади, кейин унга сут қўшилади[2]. Бу оддий сут, кокос сути ёки қуюлтирилган сут бўлиши мумкин. Ичимлик бир хил бўлгунча аралаштирилади. Шунингдек, бандрекга ёш кокос ва дуриан бўлаклари қўшилади. Баъзан майдаланган муз билан тортилади.
Бандрек ангина каби кичик соғлиқ муаммоларида шифобахш таъсир кўрсатади деб ҳисобланади[3].
Манбалар
- ↑ Бандунг а ҳавен фор снаcк-ловерс анд шопперс. Юли Три Суwарни фор Тҳе Жакарта Пост
- ↑ „Тореҳан Сежараҳ далам Сегелас Бандрек, бй М Юсуф Заин“. 2021-йил 2-мартда асл нусхадан архивланган. Қаралди: 2020-йил 5-ноябр.
- ↑ „Коктейль Бандрек (Бандрек)“. 2012-йил 2-мартда асл нусхадан архивланган. Қаралди: 2020-йил 5-ноябр.