Batumi

Батуми грузинча: ბათუმი
Мамлакат	Гуржистон
Асос солинган	ИВ
Майдон	64.94 км2 (25.07 кв ми)
Аҳолиси  (2020)	169 095
Телефон коди	+995 422
Почта индекс(лар)и	60106010

Батуми (грузинча: ბათუმი) — Гуржистон Республикасидаги шаҳар (1878-йилдан), Ажария Республикаси пойтахти (1921-йилдан). Қора денгиз соҳилидаги йирик порт, курорт шаҳар ва саноат маркази. Боку — Батуми темир йўлнинг охирги стансияси. Жанубда Туркия билан чегарадош. Аҳолиси 152 839 кишидан зиёд (2014). Батумининг иқлими илиқ, нам субтропик. Ўртача йиллик температура 14°, августда ўртача температура 23°, январда 6,4°; ййлига 2500 мм ёғин ёғади. Шаҳар ўрта асрларда Батоми деб юритилган. ХВИИ-асрда Усмонли турклар салтанати таркибига кирган. Берлин шартномасига кўра 1875-йилда Россияга қўшиб олинган.

Нефт қайта ишланади, машинасозлик (кемалар, нефт ва чой саноати учун жиҳозлар, трансформатор, электрокар ва бошқа ишлаб чиқарилади), озиқ-овқат (чой, тамаки фабрикалари, ситрус мевалари маҳ-сулотлари кти ва бошқалар), енгил (кўн поябзал ва тикувчилик ишлаб чиқариш бирлашмалари) саноатлари ривожланган. Техник резина буюмлари, кимё-фармацевтика, кофеин заводлари бор. Педагогика институти, 2 театр, 2 музей, аквариум-делфинарий бор. Батуми ботаника боғида тропик ва субтропик минтақаларга хос ўсимликлар ўстирилади. Шаҳар яқинвда Махинжаури, Зелёний Мис (Яшил бурун), Сиҳисдзири, Кобулети курортлари жойлашган.

Адабиётлар

• ЎзМЕ. Биринчи жилд. Тошкент, 2000-йил