Bellissimo pizza
Беллиссимо Пизза — Ўзбекистон ва Қозоғистонда фаолият юритувчи халқаро пицериялар тармоғи. Компанияга 2015-йилда Тошкент шаҳрида асос солинган бўлиб, у Ўзбекистондаги энг йирик тез хизмат кўрсатувчи ресторан (ҚСР) тармоқларидан бири ҳисобланади.
 | |
| Тури | Хусусий компания |
|---|---|
| Жойлашуви |
 Ўзбекистон Тошкент, Ўзбекистон |
| Асосчи(лар)и | Фарруҳ Абдуллаев |
Тарихи
Тармоқ асосчиси ўзбекистонлик тадбиркор Фарруҳ Абдуллаевдир. У АҚШда таҳсил олиб, у ердаги пицахона маданияти ва бизнес тизимини ўрганади. 2015-йилда ватанига қайтиб, Тошкент шаҳридаги „Нехт“ кўнгилочар ва савдо марказининг фудкортида илк Беллиссимо Пизза филиалини очади.
Бошланғич даврда буюртмалар ва маршрутлар механик тарзда ҳисобланган бўлса, кейинчалик компания логистика ва ошхона тизимини тўлиқ рақамлаштиришга ўтди. 2017-йилда ребрендинг ўтказилиб, 35 дақиқалик кафолатланган ва бепул етказиб бериш хизмати йўлга қўйилди. 2019-йилда компанияга америкалик профессионал маслаҳатчилар (консултантлар) жалб қилинди ва бу бренднинг тизимли ўсишига туртки бўлди.
Фаолияти ва технологиялари
Беллиссимо Пизза пица тайёрлаш жараёнларини стандартлаштириш мақсадида ошхонада „бир қадам“ (ходимнинг бир босқичдан иккинчисига ўтиши учун бир қадам кифоя қилиши) тизимини жорий қилган. Шунингдек, тармоқ курерлар фаолиятини ва геолокацияни аниқ бошқарувчи ўзининг шахсий ПОС ва ички ИТ-тизимларига эга. Компанияда 40 дан ортиқ дастурчилардан иборат махсус ИТ жамоаси фаолият юритади.
Компания Ўзбекистонда биринчилардан бўлиб пица йўналишида Ҳалол сертификатини қўлга киритган.
Географияси ва филиаллари
2026-йил ҳолатига кўра, Беллиссимо Пизза тармоғи 2 та давлатда фаолият юритади:
- Ўзбекистон — Бренднинг бош бозори бўлиб, республиканинг 12 дан ортиқ йирик шаҳарларида (шу жумладан Тошкент, Самарқанд, Андижон, Бухоро ва бошқалар) 90 дан ортиқ филиали мавжуд.
- Қозоғистон — 2025-йил сентабр ойидан бошлаб компания Қозоғистон бозорига (Остона, Олмати ва Қизилўрда шаҳарлари) франшиза асосида кириб борди.
Компания 2025-йилда Лас-Вегасда ўтказилган нуфузли тадбирда жаҳон миқёсидаги „Пизза Маркетплаcе Топ 100 Моверс & Шакерс 2025“ рейтингида кучли бешликка (4-ўрин) кирди.
Ходимлари
Компания таркибида умумий ҳисобда 1 000 нафардан 5 000 нафаргача ходим меҳнат қилади. Бунга ресторанлардаги пицамеймейкерлар, касса ходимлари, менежерлар, курерлар ҳамда Тошкентдаги бош офис бошқарув аппарати киради.
Келажакдаги режалари
Тармоқ Франшиза (Франчисе Беллиссимо) модели орқали Марказий Осиёнинг бошқа давлатлари (Қирғизистон, Тожикистон) ҳамда Туркия, Озарбайжон, Грузия каби халқаро бозорларга чиқишни мақсад қилган. Шунингдек, хизмат кўрсатиш сифатини ошириш учун сун'ий интеллект (АИ) технологияларини жорий этиш режалаштирилмоқда.
Манбалар
[1]Беллиссимо Пизза: АҚШда яралган г'оя қисқа муддат ичида қандай қилиб ўнлаб филиалларга эга],
[2]«Кухня» кухни: история Беллиссимо Пизза и как ИТ-технологии меняют доставку], Газета.уз
[3]Беллиссимо Пизза 11 ёшда: Ўзбекистонда ҚСР ҳақида тасаввурни ўзгартираётган бренд], Газета.уз