Bembel

Бембел (олмонча: Бембел ) — Гессен олмасидан тайёрланган шаробни қуйиб қўйиш учун мўлжалланган, вестервалд тош сополидан қўлда ясалган кўза. Бембелларга одатда олма шохлари ёки гулчамбарларга ўхшаш кўк рангли нақшлар туширилган, идиш кулранг тузли глазур билан қопланган, баъзан эса унда виночилик ёки ичимлик корхонаси номи кўрсатилган. Авваллари бембелнинг қалайдан ишланган қопқоғи ҳам бўлган. Гессен олмасидан тайёрланган шаробни ичиш анъанаси бембелдан ташқари гаъдир-будир шиша стакан — „герипптес“ ва унинг устига ёпиладиган ёғоч қопқоқ — „шоппендеккел“дан иборат бўлган^[1].

Трактирларда бембеллар анъанавий равишда деворлардаги илгаклар тутқичига осиб қўйилади. Бембелнинг ўлчами 0,3 литрли „герипптес“ стаканлари ҳажми билан кўрсатилади, бембелнинг 4 стакан, 8 стакан, 12 стакан ва 24 стаканли намуналари мавжуд. Катта бембеллар махсус тагликларга ўрнатилади. Гиннеснинг рекордлар китобига киритилган дунёдаги энг катта бембел 2012-йилда тайёрланган. У ўз ичига 690 литр олма шаробини сиғдира олади, баландлиги 1,70 м, оғирлиги эса 300 кг га тенг келади^[2]^[3].

Бембеллар Гессенда 1960-йиллардан бошлаб машхурликка эришган, бунга Гессен радиоэшиттириши орқали тақдим этилган „Мовий эчки ёнида“ кўнгилочар телевизион дастури (олмонча: Зум Блауэн Боcк ) сабаб бўлган, студия олма шароби тақдим этилувчи анъанавий Гессен майхоналари каби безатилган эди. Дастур узоқ вақт давомида олма шаробининг ҳақиқий „билимдони“ — шоумен Хайнц Шенк томонидан бошқарилган^[4].

Манбалар

[1] франкфурт.де: Бембел^(олм.)

[2] Диэ Wелт: Гиганцкий бембел вмещаэт 690 литров яблочного вина^(олм.)

[3] Диэ Wелт: Самий болшой в мире бембел прибил на паровозе^(олм.)

[4] Диэ Wелт: „Зелёниэ“ министри защищают бембел от Брюсселя^(олм.)

[1]

[2]

[3]

[4]