Benzil xlorid

Бензил хлорид (хлорметил бензол), С6НСН2С1 — органик бирикма. Мол. м. 126,59. Ўткир ғидли рангсиз суюқлик. Зичлиги 1100 кг/м3, суюқланиш температураси — 39°, қайнаш температураси 179°. Сувда эримайди; спирт, хлороформ ва бошқа органик эритувчиларда яхши эрийди. Сув қўшиб қиздирилганда секин-аста гидролизланиб, бензил спирт ҳосил қилади. Нуклеофил ва электрофил алмашиниш реаксияларига осон киришади. Кучсиз оксидловчилар таъсирида бензалдегидга айланади. Саноатда таркибида 1% РС13 бўлган толуолни катализатор иштирокида 90 — 100° гача қиздириб, ундан хлор ўтказиб олинади. Бензил хлорид пластмасса, плёнка, электр изоляцион қоплама ва лок ишлаб чиқаришда фойдаланиладиган бензил спирт, бензой кислотанинг мураккаб эфирлари, бензилсианид ва айниқса бензилселлюлоза олиш учун ишлатилади.

Адабиётлар

• ЎзМЕ. Биринчи жилд. Тошкент, 2000-йил