Berkaxon

Беркахон (рус солномаларида — Беркай) (1209—1266) — Олтин Ўрда хони (1255—1266). Чингизхоннинг набираси, Жўжихоннинг учинчи уғли, Ботухоннинг укаси. Беркай ўз давлатининг ҳарбийи қтисодий қудратини ошириш учун ҳунармандчилик ва савдо-сотиқни ривожлантиришга катта аҳамият берган, шу мақсадда у 1257-йил босқоқлик ҳарбийсиёсий ташкилотини тузиб, унинг воситаси билан Олтин Ўрдага тобе ерларда, жумладан Русда маҳаллий ҳокимият устидан назорат ўрнатган, аҳолини ялпи рўйхатга олиб, солиқ ундириш системасини тартибга солган. Мўғуллар Эронни босиб олиб, Бағдодни забт этгач (1258), Беркахон Озарбайжонни Олтин Ўрдага қўшиб олиш мақсадида Ҳулокуйларга қарши кураш бошлаган, бу борада у ўзига иттифоқчи излаб Миср султони Бейбарс билан яқин дипломатик алоқалар ўрнатган. 1264-йил Беркахон Ҳулокухонга қарши қўшин тортиб, уни Кура дарёси соҳилида мағлуб этган, аммо 1265-йил Озарбайжонга яна юриш қилганда тўсатдан вафот этган. Беркахон ҳукмронлиги даврида Олтин Ўрда аҳолиси ислом динига киритила бошлаган, иккинчи пойтахт — Сарой Берка қурилган.

Беркахон Файл:Баэркаэ Cучи улеэ.жпг
Ҳукмронлигининг бошланиши:	1255
Ҳукмронлигининг тугаши:	1266
Ўтмишдош:	Жўжи
Меросхўр:	Мангу Темур
Туғилган санаси:	1209
Туғилган жойи:	Бурхан-Халдун
Вафот санаси:	1266
Вафот жойи:	Тбилиси

Адабиётлар

• ЎзМЕ. Биринчи жилд. Тошкент, 2000-йил