Beshtov

Бу атаманинг бошқа маънолари ҳам мавжуд. Қаранг: Бештов (маънолари).

Бештов — Зирабулоқ паст тоғлари таркибидаги тоғ тизмаси. Самарқанд вилоятида. Энг баланд жойи 955 м. Шим. ён бағри Зарафшон водийсига тик тушган ва сойлар билан ўйилган (чуқ. 150 м гача). Жан. ён бағри ётиқроқ ва платосимон юзага туташиб кетган. Тизманинг ўқ қисми юқори силурнинг оҳактошларидан ташкил топган. Сувайирғич қисмида ўткир найзасимон ва яланғоч қоялар кўп. Ён бағрининг ўрта ва қуйи қисмлари тупроқ билан қопланган. Тоғ этаклари бўр палеоген ва неоген ётқизиклари—конгломерат, оҳактош, гил ва қумдан ташкил топган. Адирсимон баландликлар қумтош ва конгломерат лардан тузилган. Шимолий ён бағрининг қуйи қисмидаги тўқ бўз тупроқларда эфемер шувоқ гуруҳига мансуб ўсимликлар ўсади. Сертош жанубий ён бағрида бодомзор кўп. Яйлов сифатида фойдаланилади.

Адабиётлар

Ушбу мақолада Ўзбекистон миллий энсиклопедияси (2000-2005) маълумотларидан фойдаланилган.

Ушбу мақола çаладир. Сиз уни бойитиб, ЗиёСферага ёрдам бериşингиз мумкин.
Бу андозани аниқроғига алмаштириш керак.

Бу мақолада бошқа тил бўлимларига ишорат йўқ.
Сиз уларни топиб ва ушбу мақолага қўшиб, лойиҳага ёрдам беришингиз мумкин.