Betti Alver
| Бетти Алвер | |
|---|---|
 | |
| Таваллуди |
23-ноябр 1906-йил Жõгева, Ливониа губернаторлиги, Россия империяси |
| Вафоти |
19-июн 1989-йил (82 ёшда) Тарту, Эстония ССР, СССР |
| Ижод қилган тиллари | эстон тили |
| Фуқаролиги |
 Россия империяси Россия империяси  Эстония  СССР |
| Таълими | Тарту университети |
| Мукофотлари |
Эстония ССРда хизмат кўрсатган ёзувчи Эстония ССР халқ ёзувчиси |
Бетти Алвер (тўлиқ исми Элисабет Алвер, 1937-йилдан Элисабет Талвик, 1956-йилдан Элисабет Лепик, совет паспортига кўра Элизабет Мартиновна Алвер, эстонча: Бетти Алвер; 1906-йил 23-ноябр, Жõгева, Ливониа губернаторлиги, Россия империяси — 1989-йил 19-июн, Тарту, Эстония ССР, СССР[1]) — эстониялик шоира, ёзувчи, таржимон. Эстония ССРда хизмат кўрсатган ёзувчи (1966). Эстония ССР халқ ёзувчиси (1981).
Биографияси
Бетти Алвер 1906-йил 23-ноябрда Жõгева шаҳрида туғилган. 1924-йилда Тарту шаҳридаги ўрта мактабни тугатган ва 1924—1927 йилларда Тарту университетида эстон тили ва адабиёти бўйича таҳсил олган[2]. 1927-йилда „Лииви Деэвидииви“ („Шамол маҳбубаси“) романи нашр этилади. Алвернинг биринчи шеърлар китоби „Толм жа тули“ („Чанг ва олов“) эса 1936-йилда нашр этилган. Александр Пушкиннинг шеърлари ва унинг „Евгений Онегин“ (1964) шеърий романи, Маскним Горкийнинг „Болалик“ ва „Менинг университетларим“ шеърлари Бетти Алвер томонидан эстон тилига таржима қилинган. Шунингдек, Кристжан Жаак Петерсоннинг немис тилида ёзилган шеърларини эстон тилига таржима қилган[3]. Бетти Алвернинг шеърлари поляк, немис, инглиз, чех, италян ва бошқа тилларга таржима қилинган. Алвернинг шеърларини рус тилига Юнна Мориц таржима қилган. Бетти Алвер шарафига унинг туғилган шаҳри Жõгевада „Юлдузли вақт“ кузги шеърият кунлари ўтказилади. 2013-йилда Меркурийдаги кратер унинг шарафига Алвер деб номланган[1] . Жуҳан Смуули номидаги Эстония ССР адабиёт мукофоти лауреати (1980). Ёзма ва онлайн овоз бериш натижаларига кўра 1999-йилда тузилган ХХ асрдаги Эстониянинг 100 та буюк арбоблари рўйхатига киритилган[4].
Бетти Алвер 1989-йил 19-июнда Тартуда вафот этган ва Тартунинг Вана-Жаани қабристонига дафн қилинган[5].
Шеърий китоблари
- Толм жа тули (1936);
- Тäҳетунд (1966);
- Элуҳелбед (1971);
- Лендав линн (1979);
- Кораллид Эмажõэс (1986).
Филателияда тасвирланиши
2006-йилда Эстония почтаси Бетти Алвернинг 100 йиллигини унга бағишланган почта маркасини чиқариш орқали нишонлайди.
Оиласи
Бетт Алвер шоир Ҳеити Талвик билан турмуш қурган. 1956-йилда эса Март Лепикга (адабиётчи, Адабиёт музейининг биринчи директори, 1940—1945) турмушга чиқади. Қариндошлари Эдуард Алвер (Озодлик уруши даврида Эстония мудофаа иттфоқи „Каицелиит“ қўмондони) ва Сиим Каллас.
Манбалар
- ↑ Бéдé, Жеан Алберт; Эдгертон, Wиллиам Бенбоw. Cолумбиа диcтионарй оф модерн Эуропеан литературе Бй Жеан Алберт Бéдé, Wиллиам Бенбоw Эдгертон, 1980. ИСБН 9780231037174. Қаралди: 2014-йил 30-ноябр.
- ↑ „Эстониан Литерарй Магазине“. 2010-йил 11-сентябрда асл нусхадан архивланган. Қаралди: 2014-йил 30-ноябр.
- ↑ Cумминс, W.М.; Дебелжак, А.; Ҳадерлап, М.; Иҳан, А.; Потокар, Ж.. Шифтинг Бордерс: Эаст Эуропеан Поэтриэс оф тҳе Эигҳтиэс, Фореигн Полиcй; 9. Фаирлеигҳ Диcкинсон Университй Пресс, 1993 — 32–33-бет. ИСБН 978-0-8386-3497-4.
- ↑ Сажанди сада Ээсти сууркужу / Коостануд Тиит Кäндлер. — Таллинн: Ээсти Энцüклопеэдиакиржастус, 2002. — 216 лк. ИСБН 998570102Х.
- ↑ „Бетти Алвери (1906 - 1989) ҳауд“ (эт). 2023-йил 4-апрелда асл нусхадан архивланган. Қаралди: 2024-йил 28-май.
Адабиётлар
- Леэтмаа Э. Бетти Алвер — 100 // Пäрну Эхпресс, 2006-йил 27-октябр.