Bizerta
Бизерта — Тунис шимолидаги шаҳар. Бизерта вилоятининг маъмурий маркази. Аҳолиси 95 минг кишидан зиёд. Ўрта денгизга канал билан туташган Бизерта кўли соҳилидаги йирик порт, темир йўл стансияси. Мамлакатнинг савдо-саноат маркази. Б да дастлаб финикияликлар, сўнгра қадимги римликлар, 698 йилдан араблар, 1535 — 72 йилларда испанлар ҳукмронлик қилган. 1881 — 1956-йилларда Франсия протектората ва 1963-йилгача йирик ҳарбийденгиз базаси бўлган. Нефтни қайта ишлаш заводи, рангли металлургия, семент, кемасозлик, енгил ва озиқ-овқат саноати корхоналари бор. Ҳунармандчилик (гилам, тўр тўқиш) ривожланган. Б. орқали четга темир рудаси, қўрғошин, семент, зайтун мойи ва бошқа қишлоқ хўжалиги маҳсулотлари чиқарилади.
Адабиётлар
- ЎзМЕ. Биринчи жилд. Тошкент, 2000-йил
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |