Bombaj

Бомбаж (франс., бомбаге) - консерва банкаларининг бўртиш и — консерваларни сақлашда учрайдиган бузилиш тури. Қопқоқларнинг бўртиши Б. деб аталади. Б.нинг биологик, кимёвий ва физик турлари мавжуд. Биологик Б. идишларнинг зич ёпилмаслиги ёки етарлича стерилизация қилмаслик натижасида вужудга келади, унда микроорганизмлар ривожланиб, газлар пайдо бўлади. Бундай консервалар фойдаланишга яроксиз ҳисобланади. Кимёвий Б. консервалардаги кислоталарнинг идиш қопқоғи (темир қисми) га бўлган таъсири натижасида юзага келади: водород ажралиб чиқиб, қопқоқ бўртади. Кўпинча нордон меварезавор ва сиркалан ган консерваларда учрайди. Физик Б. консерваларнинг музлашидан келиб чиқади (банкадаги маҳсулот ҳажми катталашиб қопқоқ бўртади). Физик ва кимёвий Б.га учраган консервалардан фақат санитария назорати рухсати билан фойдаланиш мумкин.

Адабиётлар

• ЎзМЕ. Биринчи жилд. Тошкент, 2000-йил