Boris Shipulin
Архиепископ Борис (дунёда Владимир Павлович Шипулин, 27-декабр 1874-йил, Велск, Вологод вилояти – 1938-йил 23-феврал, Тошкент) – православ рус черкови епископи, Тошкент архиепископи[1].
| Борис Шипулин | |
|---|---|
 | |
| Таваллуди |
27-декабр 1876-йил (8-январ 1877-йил) |
| Вафоти |
23-феврал 1938-йил Тошкент, ЎзССР, СССР |
Биографияси
Борис 27-декабр 1874-йилда Вологод вилоятининг Велск шаҳрида (ҳозирги Архангелск вилоятининг маркази) ҳисобчи оиласида таваллуд топган. 1886-йилда Вологод вилояти Великий Устюг шаҳридаги бошланғич мактабни, 1890-йилда Вологод илоҳиёт билим юртини, 1896-йилда Вологод диний семинариясини ҳамда 1900-йилда Москва диний академиясини илоҳиёт фанлари номзоди илмий даражаси билан тугатган.
Шипулин 1901-йил 14 (27)-январда иеродиакон, 31-мартда иеромонах, академия инспектори ёрдамчиси этиб тайинланган. 1902-йилдан Курск диний семинарияси инспектори, 1904-йилдан архимандрит ва Псков диний семинарияси ректори лавозимларида фаолият олиб борган.
Шипулин 1905-йилдан Москва Кремл қал’асидаги ўн икки ҳаворийлар черковининг бош руҳонийси ва 1906-йилдан Новоспасский монастири аббати бўлган. У 1907-йилдан Россия халқлари иттифоқининг фахрий аъзоси ҳамда 1909-йилдан Москва диний семинарияси ректори бўлган.
Архиепископ
Борис 1912-йил 24-июнда (7-июл) Винница епископи, Подолск епархиясининг иккинчи викариси этиб тайинланган. 1914-йил 14 (27)-февралда Балта епископи, худди шу епархиянинг биринчи викариси этиб тайинланган. Шипулин 1915-йил 12 (25)-февралда Чебоксари епископи, Қозон епархиясининг иккинчи викариси этиб тайинланган ва айни пайтда Қозон Кизический монастирининг ректори бўлган[2].
ИВ (1911) ва ИИИ (1915) даражали Муқаддас Владимир ордени билан мукофотланган.
Борис Шипулин 1921-йил декабрда Уфа ва Мензелинский епископи этиб тайинланган. У 1922-йил феврал ойининг охири март ойининг бошида[3] Уфага келган ва „Живой Серкви“ га қўшилган. 1922-йил октябр ойида ҳибсга олинди ва „оқ тўдаларни ташкил қилганлиги, адмирал Колчак ҳукуматини маънавий ва моддий қўллаб-қувватлаганлиги“ учун 7 йилга мажбурий меҳнатга ҳукм қилинган. Аммо Борис амнистия билан озод қилинган ва Харковга сургун қилинган.
Епископ 1938-йил 23-февралда Тошкентдаги ЎзССР НКВД УГБнинг ички қамоқхонасида отиб ўлдирилган[4].
Манбалар
- ↑ „Архиепископ Борис (Шипулин), 1936-1938 гг.“. Қаралди: 2023-йил 22-ноябр.
- ↑ „БОРИС (ШИПУЛИН)“. 2023-йил 22-ноябрда асл нусхадан архивланган. Қаралди: 2023-йил 22-ноябр.
- ↑ „Архивированная копия“. 2016-йил 17-августда асл нусхадан архивланган. Қаралди: 2016-йил 3-июн.
- ↑ ОСО СНБ Республики Узбекистан. Д. 9213..