Boshqa joy

"Бошқа жой" (инглизча: Анотҳер Плаcе) — инсон бўйидек ва ҳар бирининг оғирлиги 650 килограмм бўлган юзта антропоморфик чўян ҳайкаллардан иборат замонавий ландшафт инсталяцияси. Энтони Гормли томонидан яратилган ва 2006-йилда Англиянинг Ливерпул шимолидаги Кросби пляжида ўрнатилган.

Таркиби

Композиция 3,2 км (2 миля) узунликдаги қирғоқ чизиғида жойлашган денгизга қараган юзта чўян ҳайкалдан иборат. Ҳар бир ҳайкалнинг баландлиги 189 см, вазни эса тахминан 650 кгни ташкил қилади. Улар Галифакс ва Вест Бромвич металлургия заводларида чўяндан қуйилган. Сув тошқини пайтида ҳайкаллардан баъзилари қисман, баъзилари эса тўлиқ сув остига ботади.

Лойиҳа тарихи

Дастлаб, „Бошқа жой“ лойиҳаси 1997-йилда яратилган ва Европа бўйлаб саёҳат қилган. Турли вақтларда ҳайкаллар Куксхафен (Германия), Ставангер (Норвегия), Де Панн (Белгия) пляжларига ўрнатилган. 2005-йилда Энтони Гормли 16 ой муддатга Ливерпул яқинида ҳайкалларни ўрнатишга рухсат олди, кейин композиция Ню-Ёркка кетиши керак эди, аммо бир нечта инглиз санъат фондлари ҳайкалтарош билан биргаликда муниципалитетга ҳайкалларни доимий равишда Мерсисайдда қолдиришни сўраб мурожаат қилишди. 2007-йил март ойида ҳайкалларни^[1] сақлаб қолиш тўғрисида қарор қабул қилинди. „Бошқа жой“ Кросби пляжларини машҳур сайёҳлик жойига айлантирди.