Botmon sahifasining manbasini koʻrish

'''Botmon''' (arab.) – [[ogʻirlik]] [[oʻlchov birligi]]. [[Yaqin Sharq|Yaqin]] va [[Oʻrta Sharq]][[mamlakat]]lari ([[Arabiston yarim oroli|Arabiston]], [[Misr]], [[Suriya]], [[Iroq]], [[Eron]], [[Turkiya]], [[Hindiston]]) da, shuningdek [[Oʻrta Osiyo]]da qoʻllanib kelingan. [[Shariat]]ga koʻra, botmon (manni sharʼiy) asosan 0,832&nbsp;kg ni tashkil qilgan, lekin turli mamlakatlar va turli davrlarda uning [[mezon]]i har xil boʻlgan. Oʻrta Osiyoda ham botmonning vazni oʻzgarib turgan. Maye, [[XIX asr|XIX asr]]da [[Xorazm]]da botmon 20,16&nbsp;kg dan 40,95&nbsp;kg gacha, [[Buxoro]] va [[Samarqand]]da asosan 8 [[pud]] (131,044&nbsp;kg), [[Fargʻona]]da 8—10 pud (131,044—163,805&nbsp;kg) boʻlgan. Bu oʻlchov [[paxta]] va mevalarni oʻlchashda qoʻllangan. [[1884]]-yil maʼlumotlariga koʻra, [[Qoʻqon]]da 1 botmon 10 pudga, yaʼni 163,805&nbsp;kg ga teng boʻlib, donlarni ulchashda qoʻllangan. [[Toshkent]] va [[Chimkent]]da 1 botmon 10,5 pud (171,995&nbsp;kg) boʻlgan. Oʻrta Osiyoning koʻp joylarida botmon yer sathini oʻlchash birligi sifatida ham qoʻllanilib, 1 botmon yer deganda 1 botmon [[don (urugʻ)|don]] [[ekin maydoni|ekiladigan maydon]] tushunilgan. Masalan, [[Samarqand]]da 1 botmon (8 pud) [[bugʻdoy]] 1,63881 ga yerga sepilganligi sababli, shunday kattalikdagi yer bir botmon deb atalgan. Hozirgi vaqtda botmon taxminan bir [[gektar]]ga teng sath oʻlchov birligi hisoblanadi. Baʼzi Sharq mamlakatlarida botmondan ogʻirlik oʻlchov birligi sifatida foydalaniladi<ref>[[OʻzME]]. Birinchi jild. Toshkent, 2000-yil</ref>.

== Manbalar ==
{{manbalar}}
{{OʻzME}}

[[Turkum:Oʻlchov birliklari]]


{{math-stub}}