Burkini

Буркини (бурқа + бикини) - Ливанлик дизайнер, Аҳеда Занетти томонидан ишлаб чиқилган мусулмон аёллар учун чўмилиш кийими. У 100% полиэстердан ишланган, икки қисмдан иборат, бошига маҳкам ўрнашган қалпоқли ва аёллар кийими учун барча шариат талабларига жавоб беради. Кесимида буркини пижамага яқин бўлиб, оёқ, қўл ва юздан ташқари аёлнинг бутун танасини қоплайди. Бундан ташқари, нафақат сузиш, балки бошқа спорт турлари билан шуғулланиш имкониятлари ҳам мавжуд.

Буркини

Франсиядаги буркини можароси

2016-йилда Франсияда буркинини алоҳида муниципалитетлар даражасида тақиқлашга уриниш амалга оширилди (Кот д’Азурдаги Ница ва Ментон, Корсикадаги Сиско). Буркини кийиб олган аёллар 38 евро миқдорида маъмурий жаримага тортилди. Бош вазир Мануэл Валлс буркини Франсия Республикаси қадриятларига зид эканлигини айтди. Франсиянинг собиқ президенти Николя Саркози ҳам буркини масаласида танқидий позицияни эгаллади. Бироқ, Франсия Давлат кенгаши буркини тақиқини инсон ҳуқуқларининг бузилиши деб тан олди ва бир франсуз коммунасида тақиқни тўхтатди. Бироқ, 2017-йилда Марсел апелляция суди муниципал пляжларда буркини кийишни тақиқлаш ҳақидаги қарорни тасдиқлади.

Олмониядаги буркини можароси

2018-йилда Ҳерн шаҳридаги (Шимолий Рейн-Вестфалия) Песталоззи гимназияси сузиш дарслари учун 20 та буркини сотиб олинди, чунки кўплаб мусулмон ўқувчи қизлар диний сабабларга кўра уларга бормайди. Бу қарор мунозараларга сабаб бўлди. Оила, аёллар ва ёшлар масалалари бўйича вазир Франсиска Гиффай бу ташаббусни қўллаб-қувватлади. Бироқ, НРW ҳукумати миграция бўйича котиби Серап Гулер шундай деди: „Саудия Арабистонидаги аёллар бир томчи эркинлик учун ўз ҳаётларини хавф остига қўйишганда, биз Германиядаги қизларга буркини кийғизмаслигимиз керак. Толерантликни бу нотўғри тушуниш, эмансипацияга чек қўяди“.

Манбалар

ҳттпс://аҳиида.cом/

ҳттпс://ру.эуронеwс.cом/2018/06/25/германй-буркинис

ҳттпс://тж.спутникнеwс.ру/20170706/суд-франсия-буркини-1022757145.ҳтмл