Bussol

Буссол (франс. боуссоле — қутича) — 1) жойдаги йўналишларнинг магнит азимутини ўлчаш учун мўлжалланган асбоб. Иши магнит меридиани билан бирор предметга томон йўналган чизиқ орасидаги горизонтал бурчакларни ўлчашга асосланган. Буссолни мукаммаллаштирилган компас дейиш мумкин. Кичик жойларнинг унча аниқмас горизонтал тархини олишда ишлатилади. Ўлчаш учун Буссолни штатив устида буриб, магнит милининг шим. учи лимбдаги 0° га тўғрилади. Сўнгра кўз ва предмет диоптрлари орқали ўтган чизиқ йўналишининг магнит азимути аниқланади. Буссол асосан топогеодезик ишларда қўлланади. Маркшейдер съёмкалари ва кон қазилмаларини топишда осма Буссол дан фойдаланилади; 2) ҳарбий ишда туп ва миномётни нишонга тўғрилаш, нишонни кўрсатиш, нишонни назорат қилиш, душман жойлашган ерларни, артиллерия турган жойларни аниклаш мақсадида артиллерия Б. ишлатилади.

Адабиётлар

• ЎзМЕ. Биринчи жилд. Тошкент, 2000-йил