Cherkessk

Черкесск (1825-1931-йилларда Баталпаша стансияси, 1936—37 йилларда Сулимов, 1939-йилгача Баталпашинск) — Россия Федерацияси ҚорачойЧеркасия Республикасидаги шаҳар (1931-йилдан). КррачойЧеркасия Республикаси пойтахти (1991-йилдан). Кубан дарёси бўйида. Черкесск стансияси. Аҳолиси 116,2 минг киши (2002). Машинасозлик (совиткичлар, паст волтли аппаратура ишлаб чиқариш), электротехника, кимё, қурилиш материаллари, озиқ-овқат ва енгил саноат корхоналари мавжуд. Технология институти, театр, ўлкашунослик музейи, бир неча илмий тадқиқот институти фаолият кўрсатади. Шаҳар 1803-йилда рус ҳарбийларининг Кавказдаги таянч пункти сифатида вужудга келган. 1922—26, 1957—91 йилларда ҚорачойЧеркасия мухтор вилояти, 1926—28 йилларда Черкасия округи, 1928—43 йилларда Черкасия мухтор вилояти маркази.