DJ BoBo
Петер Ренé Бауманн (5-январ 1968-йил) швейсариялик хонанда, қўшиқнавис, реппер, раққос, дубляж актёри ва мусиқа продюсеридир. ДЖ БоБо тахаллуси билан танилган[1]. Петер бутун дунё бўйлаб 14 миллион нусхада албом сотган ҳамда 12 та студиявий албом, шунингдек, ўзининг эски хит тароналарини янгича талқинда жамлаган бир нечта терма албомларини тақдим этган[2]. БоБо, шунингдек, 34 та сингл чиқарган бўлиб, уларнинг айримлари нафақат немис тилли давлатлар хит-парадларида, балки бошқа Европа мамлакатларида ҳам юқори ўринларни эгаллаган.
ДЖ БоБо | |
|---|---|
 ДЖ БоБо 2024-йилги консерт дастурида | |
| Умумий маълумот | |
| Таваллуди |
Петер Ренé Бауманн[1] 1968-йил 5-январ Кöлликен, Швейсария |
| Жанрлар | |
| Касби |
|
| Фаолият йиллари | 1989–ҳозиргача |
| Лейбллар |
|
Рақс мусиқаси продюсери сифатида унинг илк катта муваффақияти куйи Роcкwеллнинг „Сомебодй'с Wатчинг Ме“ таронасидан олинган „Сомебодй Данcе wитҳ Ме“ сингли орқали келган[3]. БоБо „Кеэп он Данcинг“, „Таке Cонтрол“, „Эверйбодй“, „Лет тҳе Дреам Cоме Труэ“, „Лове Ис Алл Ароунд“, „Фреэдом“, „Прай“, „Wҳат а Феэлинг“ ҳамда „Чиҳуаҳуа“ каби сингллари билан ҳит-парадлардан жой олган. Бу тароналарнинг деярли барчаси аёл хонандалар вокали ҳамда БоБо томонидан ижро этилган реп парчалари уйғунлашган тез суръатли Эуроданcе йўналишидан иборат эди.
1992 ва 2007-йиллар оралиғида Петернинг 27 та сингли Швейсария ва Олмония хит-парадларида юқори ўринларни забт этган. Ҳамда у Швейсариянинг энг кўп албом сотган хонандаси сифатида ўнта „Wорлд Мусиc Аwардс“ мукофотига лойиқ кўрилган[4]. БоБо ўз ижодий ишлари учун кўплаб олтин ва платина сертификатларини қўлга киритган ҳамда Европа (асосан Олмония ва Швейсария), Канада, Осиё ва Жанубий Америкада катта шуҳрат қозонган.
Биографияси
1985–1991: Илк қадамлар
Петер Ренé Бауманн 1968-йилда Швейсариянинг Кöлликен шаҳрида италиялик Луиги Cиприано ва швейсариялик Рутҳ Бауманн оиласида дунёга келган. Дастлаб Бауманн қандолатчилик ва нонвойлик соҳасида ишлашни мақсад қилган[5]. Бироқ, мактабни тамомлаганидан сўнг, ундаги рақсга, хусусан, брейкданс йўналишига бўлган кучли иштиёқ туфайли нонвойлик соҳасига кўпроқ вақт ажратмаган. Кўплаб рақс танловларида қатнашган Бауманн ўзининг акробатик рақс услуби билан Олмониянинг „Дисcо Кингс“ рақс кўрик-танловида кучли ўнталикка киришга муваффақ бўлган.
Бауманн диск-жокейлик (ДЖ) фаолиятини 1985-йилда бошлаган. Орадан бир йил ўтиб Швейсария ДЖ-лик чемпионатида иккинчи ўринни эгаллаган[3]. У Швейсариядаги „Дон Паcо“ ва „Ҳазйланд“ каби кўплаб тунги клубларда ДЖ сифатида ишлашни давом эттирган. Етарли даражада тажриба тўплагач, у кейинчалик шахсий таронасини яратишга қарор қилган. Унинг илк сингли „И Лове Ёу“ 1989-йилнинг охирида эълон қилинган. Петер бу даврда ҳамон ДЖ сифатида фаолият юритарди, бироқ бор эътиборини келгуси муаллифлик ишларига қаратган. 1991-йилда ДЖ БоБо яна иккита синглини тақдим этган, булар: „Ладиэс ин тҳе Ҳоусе“ ва „Летъс Гроове Он“. Улардан охиргиси бироз муваффақиятлироқ бўлиб, ҳатто унинг биринчи албомига ҳам киритилмаган.
Манбалар
- ↑ 1,0 1,1 „Глобал Мусиc Пулсе: Сwитзерланд“. Биллбоард. 19 Новембер 1994. Қаралди: 11 Жануарй 2017.
- ↑ „Дас синд диэ Мусик-Эвенц 2010 ин Кöлн“. Коэлн.де. 2011-йил 16-июлда асл нусхадан архивланган. Қаралди: 2010-йил 31-октябр.
- ↑ 3,0 3,1 „ВҲ1: ДЖ БоБо“. ВҲ1. 2004-йил 28-октябрда асл нусхадан архивланган. Қаралди: 2010-йил 31-октябр.
- ↑ „Аwардс“. джбобо.ч. 2013-йил 16-декабрда асл нусхадан архивланган. Қаралди: 2013-йил 17-ноябр.
- ↑ „ДЖ Бобо Вом Бäcкер зум Попстар“ (де). 3сат.де. Қаралди: 2010-йил 31-октябр.