David Wechsler

ВЕКСЛЕР (Wечслер) Девид (1896.12.1, Леспеди, Руминия — 1981.2.5, Ню-Ёрк-Сити) — америкалик психолог ва психиатр. Ню-Ёрк университети тиббиёт коллежи клиник психологияси проф. Белвю шифохонасининг бош психологи (Ню-Ёрк). Интеллектни тадқиқ этиш бўйича машҳур. Интеллектни ўлчаш В. шкаласи, "Хотиранинг В. шкаласи" тестларининг муаллифи. Биринчи бўлиб вербал (нутқий) ва амалий интеллект тестларини бир батареяга бирлаштирган. Интеллектдан ташқаридаги омиллар ғоясини илгари сурган. В. "ёлғонни аниқлаш детектори" мосламасидан бирини таклиф этган. Асосий ишлари интеллект назариялари, динамикасига, катта ёшдагиларда интеллект ва хотиранинг ёшга кўра ўзгариши каби масалаларга бағишланган.

Адабиётлар

• ЎзМЕ. Биринчи жилд. Тошкент, 2000-йил