Diapazon

Диапазон [юн. диа пасон (чордон) — барча (торлар) бўйлаб] — 1) мусиқада — соз, хонанда овози ёки ҳар бир куй, қўшиқ, умуман барча мусиқа асарларининг энг пастки ва энг юқори товушлари оралиғи, муайян товушқатор ҳажми. Ўзбек оммабоп куй ва қўшиклари, дўмбира, чўпон найи каби мусиқа чолғулари Д.и қисқа (ихчам); мақом, мумтоз чолғу ва ашула йўллари, гижжак, рубоб, танбур каби созларники кенг; 2) Кучма маънода — бирор нарсанинг кўлами; истеъдод, билим, таълимот, тафаккур, фаолият даражаси, қамрови кўрсаткичи.

Адабиёт

• ЎзМЕ. Биринчи жилд. Тошкент, 2000-йил