Diatomit

Диатомит — бўш, сертупроқ ёки бўш сементланган кремнийли чўкинди тоғ жинси. Асосан диатом сувўтлардан таш-кил топган. Таркибида ҳар хил миқдорда опал шарчалари (глобулалар), терриген ва гил минераллари учрайди. Ранги оқ, оч кулранг , сарғиш. Сертупроқ ёки сементлашган массалар ҳолида бўлади. Д. минерал таркибининг 70%дан 98% гача сувли кремнезем (опал)дан иборат. Диатом сувўтларнинг скелетлари яхши эрувчан бўлганлиги сабабли Д. осонгина трепел ва опокага айланади. Д. бўр давридан бошлаб ҳосил бўла бошлаган. Асосий қисми кайнозой эрасида денгиз ва кўлларда тўпланган. Иссиқликни ёмон ўтказади, кислотага чидамли. Кимё, нефт, озиқ-овқат, тўқимачилик, фармацевтика саноатида, шунингдек, иссиклик ва шовқин ўтказмайдиган материаллар тайёрлашда ишлатилади. Ўзбекистонда Зарафшон воҳасида тўртламчи давр (голоцен) гил ва қумтошлари тагида карбонатлашган Д. қатламлари учрайди.

Адабиёт

• ЎзМЕ. Биринчи жилд. Тошкент, 2000-йил