Dimetilamin

Диметиламин, (CҲ3)2НҲ - алифатик қаторнинг иккиламчи амини. Қўланса ҳидли рангсиз газ; совитилганда рангсиз суюқликка айланади; суюқланиш температураси — 92,2°, қайнаш температураси 6,9°. Сувда ва органик эритувчиларда эрийди, кислоталар билан кристалл тузлар ҳосил қилади, ацилланади, алкилланади ва ҳоказо. Д. оқсил моддалар чириганда ҳосил бўлади; саноатда метил спирт билан аммиакдан, шунингдек, формалдегид билан аммоний хлориддан олинади. Органик синтезда шифобахш дорилар (дикаин, аминазин ва б.,), ракета ёқилғиси (диаметилгидразин) ва ҳоказо тайёрлашда қўлланади.

Адабиёт

• ЎзМЕ. Биринчи жилд. Тошкент, 2000-йил