Dirixle

Дирихле (Диричлет), Петер Густав Лежён (1805.13.8, Дюрен — 1859.5.5, Гёттинген) — немис математиги. Берлин университети (1831—55), Гёттинген университети (1855-йилдан) проф. Асосий илмий ишлари сонлар назарияси ва математик анализга доир. Биринчи ҳади ва айир-маси ўзаро туб сонлардан иборат бутун сонлар арифметик прогрессиясида туб сонлар чексиз кўп эканлиги ҳақидаги теоремани исботлаган. Математик анализ соҳасида биринчи бўлиб қаторнинг шартли яқинлашиши тушунчасини таърифлаган ва текширган. Узилиш нуқталари чекли сонда бўлган бўлакли монотон функсияларни Фуре қаторигя ёйиш мумкинлигини исботлаган. Механик ва математик физикага бағишлаган асарлар муаллифи.

Адабиёт

• ЎзМЕ. Биринчи жилд. Тошкент, 2000-йил