Dmitriy Poznanskiy
Дмитрий Алексеевич Познанский (1904-йил, Тошкент – 1943-йил 28-феврал, Украина ССР, Харков вилояти Чугуевский тумани Базалиивка, СССР) – совет кинорежиссёр, Одесса киностудияси директори (1940–1941).
| Дмитрий Познанский | |
|---|---|
| Таваллуди |
1904-йил |
| Вафоти |
28-феврал 1943-йил Базалиивка, Харков вилояти, Украина ССР, СССР |
| Фуқаролиги |
 Россия империяси Россия империяси  СССР |
| Касби | режиссёр, ссенарийнавис |
Биографияси
Дмитрий Познанский 1927-йилда Давлат кинематография коллежининг (ДКК) режиссёрлик факултетини тамомлаган. 1929-йилда Александр Стрижак билан биргаликда суратга олинган „Её пут“ филмида дебют қилди.
Дмитрийнинг навбатдаги „Ненужная вражда“ (1930) филми экранга юзини кўрмади ҳам, сақланмади ҳам[1].
1931-йилда „Забит нелзя“ филмини суратга олди. Дмитрий „Межрабпомфилм“ кинофабрикасида директори ўринбосари лавозимида фаолият олиб борган[2].
Дмитрий Алексеевич 1934-йилда Бутуниттифоқ Болшевиклар Коммунистик партияси Марказий Комитети Познанскийни Тожикистон ССРга раҳбарлик қилишга юборди. 1934-йил апрелдан 1935-йил июлгача Тожикистон ССР Халқ Комиссарлари Совети ҳузуридаги Кино ва фотосаноат бошқармаси бошлиғи[3][4] ҳамда „Тожиккино“да директор бўлиб ишлаган[2].
КПТ Марказий Комитети Бюросининг 1935-йил 13-июлдаги қарори билан Дмитрий Алексеевич „ишнинг барбод бўлишига йўл қўйгани, аппаратни синфий ёт элементлар билан тўсиб қўйгани, давлат маблағларини исроф қилгани, ишда қариндош-уруғчиликка йўл қўйгани учун“ лавозимидан четлаштирилган.
Режиссёр Дмитрий 1936-йилда Юрий Василчиков билан биргаликда „Ай-Гул“ филмини суратга олган.
1938-йилда унинг Алберт Ганделштейн билан биргаликда „Поезд идёт в Москву“ филми чиқди. Дмитрий 1939-йилда мустақил равишда „Воздушная почта“ филмини суратга олди.
Дмитрий 1940–1941-йилларда Одесса киностудиясининг директори бўлган.
Оиласи
Дмитрийнинг рафиқаси Полина Евсеевна Познанская режиссёр ёрдамчиси бўлиб ишлаган. Ўғли Владимир Дмитриевич Познанский (1932-йилда туғилган) фуқаро авиацияси навигатори ва журналист бўлган. Кичкина ўғли Алексей Дмитриевич Познанский (1939–1999) режиссёр ва набираси Димитрий Алексеевич Познанский (1974–2010) руҳоний бўлган.
Манбалар
- ↑ Марголит Е., Шмиров В. Изъятоэ кино. М., 1995, с. 14.
- ↑ 2,0 2,1 Киноведческиэ записки. – Москва, 2008. – № 86, с. 92.
- ↑ „ПОЗНАНСКИЙ | ЦентрАзия“. cентрасиа.орг. Қаралди: 2023-йил 9-ноябр.
- ↑ Хабур В. П. Как молоди ми били… / Жизн в кино: Ветерани о себе и своих товарищах: сборник. Вип. 3-й / Союз кинематографистов СССР. Комиссия ветеранов; сост. О. Т. Нестерович. – М. : Искусство, 1986, с. 299.