Dolixosigma
Долихосигма (лотинча: доличосигма) — сигмасимон ичакнинг патологик узайиши. Касаллик туғма ёки орттирилган бўлиши мумкин. Орттирилган долихосигма — бу тўғри ичакнинг тўсиқлар сабабли туғма ёки орттирилган ичак торайиши оқибатида шикастланиши. Баъзида касаллик симптомларсиз бўлиши мумкин. Асосий симптом — бу нажасни ичакда ушлаб туриш, қабзият, шунингдек, ичакларнинг шишиши. Касаллик ирригоскопия ёки колоноскопия орқали аниқланади. Ичак колитлари сабабли, жиддий ичак касалликлари келиб чиқиши мумкин. Сигмасимон ичакнинг чўзилиши туфайли нажас тўпланади, бу эса тананинг ўз-ўзидан заҳарланишига олиб келади. Долихосигма билан касалланган беморлар кўпинча дефекация (ич дам бўлиши) қийинчиликларига дуч келишади. Ахлат чиқишининг кечикиши 10 кунга етган ҳолатлар мавжуд. Бу, одатда, дистал яъни йўғон ичакнингрефлекс қўзғалувчанлигининг пасайиши билан боғлиқ. Долихосигма билан оғриган беморларда ичакни бўшатиш частотаси 3 кунда 1 марта юз беради. Мунтазам равишда лаксатифларни қабул қилиш тавсия этилади. Оғир симптомлари: ичак тутилиши сабаб перитонит ривожланиши оқибатида ичак девори тешилиши мумкин[1].
Сабаблари
Ичак долихосигмаси ҳам туғма, ҳам орттирилган бўлиши мумкин. Ушбу ҳодисанинг келиб чиқиши аниқланмаган. Бугунги кунга келиб сигмасимон ичакнинг фиксацияси ва ўсишининг бузилишига сабаб бўлган қўзғатувчи омилларга қуйидагилар киради:
- Ирсият.
- Ҳомиладорлик пайтида ҳомилага таъсир қилувчи салбий кимёвий, жисмоний ва атроф-муҳит омиллари.
- Юқумли касалликлар.
- Гиёҳвандлик.
Олинган аномалия ошқозон-ичак трактидаги бузилишлардан келиб чиқади, улар ичакдаги чириган ва ферментация жараёнлари билан боғлиқ. Таъсир этувчи омиллар мавжуд:
- 45-50 ёшдан катта.
- Ҳаракациз турмуш тарзи.
- Ҳаракациз ишда ишлаш.
- Гўшт ва углеводларни кўп истеъмол қилиш.
- Тез-тез стрессга тушиш.
Шуниси эътиборга лойиқки, кўплаб мутахассислар ичакдаги долихосигмани туғма касаллик деб ҳисоблашади.[2]
Ташхис
Диагностика колоноскопия, ирригоскопия ёрдамида амалга оширилади. Долихосигма билан оғриган беморлар қорин олд деворининг олдинга чиқиб кетиши, перисталтиканинг кучайиши билан тавсифланади, палпация билан сигмасимон ичакдаги нажасни ҳис қилиш мумкин. Ташхис кенг қамровли текширув асосида қўйилади[1].
Даволаш
- Овқатланиш режимига риоя қилиш
- Физиотерапия муолажалари билан ичак моторикасини яхшилаш
- Лазер терапияси
- Электр стимуляцияси
- Тозалаш ҳуқналари
- Ичакни механик тозалаш
- Жарроҳлик аралашуви
Манбалар
- ↑ 1,0 1,1 „СИГМОВИДНАЯ КИШКА — Большая Медицинская Энциклопедия“. хн--90аw5c.хн--c1авг. 2020-йил 28-сентябрда асл нусхадан архивланган. Қаралди: 2019-йил 11-июл.
- ↑ долихосигма нима (Wайбаcк Мачине сайтида 2008-06-12 санасида архивланган).2022-йил
Адабиётлар
- „долихосигма“, Большой медицинский словарь, 2000.
- „Долихосигма“, 1. Малая медицинская энциклопедия. — М.: Медицинская энциклопедия. 1991—96 гг. 2. Первая медицинская помощь. — М.: Большая Российская Энциклопедия. 1994 г. 3. Энциклопедический словарь медицинских терминов. — М.: Советская энциклопедия. — 1982—1984 гг.