Duntinxu

Дунтинху — Хитой шарқидаги кўл. Сзянхан текислигида, Янсзи дарёсининг унг соҳил водийсида жойлашган. Қирғоқлари паст, ботқоқлашган. Майдони қиш ойларида 4—5 минг км² дан ёз ойларида 10—12 минг км² га етади. Сув сатҳи мавсумий, 10–15 м гача ўзгаради. Чуқурлиги 8 м гача. Д.га кема қатнайдиган Сянсзян, Юансзян, Лишуй ва Сзишуй дарёларининг суви қуйилади. Янсзи дарёси оқимини (5 та ирмоғи орқали боғланган) тартибга солиб туради, ёз (май— сентабр)да дарёнинг 40 дан 60% гача тош-қин сувларини қабул қилади. Кўлда кема қатнайди, балиқ овланади. Д. атрофида шоличилик билан шугъулланилади.

Адабиёт

• ЎзМЕ. Биринчи жилд. Тошкент, 2000-йил