Duragay

Дурагай — ирсий белгилари билан бир-биридан фарқ қиладиган организмларни жинсий ёки вегетатив усулда ўзаро чатиштириб олинган насл. Ўсимликшуносликда тур ичи ва узоқ шакллар (турлараро, туркумлараро) Д.лар учрайди. Тур ичи Д.лари бир турга мансуб икки навни, тур хилларнинг индивидларини чатиштириш йўли билан олинади. Географик узоқ Д. (ҳар хил геномли) бир туркумга оид икки турни, икки ёки ундан ортик, турга мансуб навларни, бир оилага мансуб икки туркумни чатиштириб олинади. Ҳоз. даврда қишлоқ хўжалиги экинларининг тезпишарлиги, ҳосилдорлигини ошириш, ҳосил сифатини яхшилашда биринчи бугин Д.лардан фойдаланиш кенг йўлга қўйилган. Мак-кажўхори, кунгабоқар, помидор, қанд лавлаги ва б. уруғчилигида биринчи ав-лод Д. уруғларидан фойдаланиш юқори самара беради (қаранг Гетерозис).

Ўзбекистонда Д. ипак қурти селексиясида катта ютукларга эришилган. Чорвачиликда ҳар хил тур, авлод ёки зотларга мансуб ҳайвонларни ўзаро чатиштириш натижасида олинган янги наел Д. дейилади.

Адабиёт

• ЎзМЕ. Биринчи жилд. Тошкент, 2000-йил