Elektroforez

Электрофорез (электро ва юнонча φορέω — „силжиш“), галванотерапия, дорили электрофорез — организмга ўзгармас ток ва шифобахш моддалар билан таъсир этиб даволаш усули; бунда организмга дорилар паст кучланишли ўзгармас электр токи (галваник ток) ёрдамида (тери ёки шиллиқ қаватлар) ион ҳолида киритилади. Электрофорез зарядланган зарралар — ионларнинг электр токи таъсирида қарама-қарши зарядланган электр томон (яъни, мусбат зарядланган ионлар манфий электродга ва манфий зарядланган ионлар мусбат электродга) ҳаракатланишига асосланган. Бунда дорилар оддин терига йиғилиб, ионлар депосини ҳосил қилади. Деподан дорилар қонга аста-секин ўтади ва узоқ вақт сақланади ҳамда бутун организмга ёки бирор аъзога таъсир этади. Электрофорезнинг индуктотермия билан бирга олиб борилиши и н дуктоэлектрофорез дейилади.

Моддалар алмашинувининг бузилиши билан кечадиган, шунингдек, нерв касалликлари ва бошқаларда электрофорез қўлланади. У электролиз жараёнидан фарқ қилади.