Endokardit

Эндокардит — эндокарднинг яллиғланиши. Одатда, миокарднинг яллиғланиши (эндомиокардит) билан бирга кечади. Келиб чиқишига кўра, ревматизм (ревматик эндокардит) ва сепсис (септик эндокард), шунингдек, захм, сил ва шикастланиш оқибатида ривожланадиган Эндокард фарқланади. Эндокардда кўпинча юрак клапанлари (миокард инфарктида) зарарланиб, функсияси ўзгаради, бу юрак порокларита олиб келади. Эндокарднинг турли шаклларида юрак клапанлари турлича (масалан, ревматик эндокардда митрал клапан; септик ва захм эндокардида аортал клапан) зарарланади.

Эндокард ўткир, баъзан хавфли, ўртача ўткир, сурункали кечади. Касалликнинг клиник белгилари унинг этиологиясига боғлиқ. Ревматик эндокард аста-секин бошланади, лоҳаслик, толиқиш, бир оз ҳарорат кўтарилиши, юрак уришининг тезлашуви ва шу соҳада нохуш оғриқ кузатилади; аускултация чоғида юракда ўзига хос шовқин эшитилади, пулс тезлашади.

Септик эндокардда дастлаб салгина ҳарорат кўтарилади, кейинчалик шамоллаш аралаш қаттиқ иситма тутади; тери рангсизланади, кўп терлаш, қамқонлик аломатлари кузатилади; эритроцитларнинг чўкиш тезлиги ортади, пулс тезлашади, юрак ўлчамлари кенгаяди, юракда шовқин, аортал етишмовчилик вужудга келади. Септик эндокардда эмболия, буйрак, мия томирларининг зарарланиши ва бошқалар асоратлар ривожланиши мумкин.

Даво касалликнинг шакли, кечиши ва белгиларига қараб тайинланади.

Олдини олиш. Эндокардга сабаб бўладиган касалликлар (ревматизм, ангина ва бошқалар)ни ўз вақтида даволашдан иборат.