Entalpiya

Энталпия (юн. — иситаман) — термодинамикада — термодинамик тизимнинг ҳолат функсияларидан бири (Н). Қайтар изобарик жараёнда энталпиянинг ўзгариши тизимга берилган (ёки тизимдан олинган) иссиқлик миқдорига тенг. Шунинг учун энталпия босим ўзгармайдиган шароитда содир бўлувчи фазалар алмашувларида, кимёвий реаксиялар ва бошқаларда исиқлик эффектини ифодалайди. Босим ўзгармайдиган адиабатик жараёнларда энталпиянинг қиймати ҳам ўзгармайди. Баъзан энталпия иссиқлик функсияси деб аталади. Энталпия термини голландиялик физик Х. Камерлинг-Оннес томонидан киритилган. Халқаро бирликлар тизимида энталпия жоул (Ж) ларда ифодаланади.