Erki Nool
Эрки Ноол (25-июн 1970-йил, Вõру) – эстониялик енгил атлетикачи, ўнкураш бўйича Олимпия чемпиони. Эстониялик сиёсатчи, Риигикогу аъзоси[1].
| Эрки Ноол | |
|---|---|
 | |
| Шахсий маълумотлари | |
| Жинси | эркак |
| Фуқаролиги |
 СССР  Эстония |
| Таваллуд санаси |
1970-йил 25-июн Вõру,Эстония ССР |
| Бўйи | 184 см |
| Вазни | 84 кг |
| Спорт | |
| Мамлакат |
Эстония |
| Қайси спорт | енгил атлетика |
Биографияси
Эрки 13 ёшида Таллин спорт мактаб-интернатида машғулотларни бошлаган. Спортчининг сўзларига кўра, ҳафтасига олти марта беш соатдан, машғулот лагерларида эса кунига етти соатдан машғулот ўтказган. 23 та чемпионлик мусобақаларида қатнашиб, 9 та медални қўлга киритган бўлса-да, спортчининг ушалмаган битта орзуси қолган, ҳеч қайси мусобақада 9000 балл тўплай олмаган[2]. Эрки Ноол кетма-кет тўртта 1992, 1996, 2000 ва 2004-йилларда Олимпиадада қатнашган. 1996-йилги ўйинларда ўнкурашчи 8543 балл билан олтинчи ўринни эгаллайди, кейинги Олимпиадада эса ғолиб бўлади, 2004-йилда эса 8235 балл билан саккизинчи ўринни эгаллайди[3]. Ўзининг сўнгги Олимпия ўйинларида Ноол Эстония терма жамоасининг байроқдори бўлган[4]. 2005-йилда фаолиятини якунлади, шундан сўнг сиёсат билан шуғулланади. Ноол дастлаб Таллин шаҳар ассамблеясининг аъзоси бўлган ва ҳозирда Риигикогу, Европа енгил атлетика иттифоқи, Европа Олимпия қўмитасининг тиббий комиссияси аъзосидир[4]. Эстон тилидан ташқари яна тўрт тилда рус, фин, инглиз, италян тилларида сўзлашади[4]. Эркининг катта ўғли Ноола ҳам енгил атлетика билан шуғулланади[2].
Спортдаги ютуқлари
Ўнкураш бўйича Олимпия чемпиони (2000), ўнкураш бўйича жаҳон чемпионатининг кумуш медали совриндори (2001), еттикураш бўйича ёпиқ иншоотлардаги жаҳон чемпионатининг икки карра кумуш медали совриндори (1997, 1999), ўнкураш бўйича Европа чемпиони (1998), еттикураш бўйича ёпиқ иншоотларда Европа чемпиони (1996), ўнкураш бўйича Европа чемпионатининг кумуш медали совриндори (2002), ўнкураш бўйича Европа кубогининг тўрт карра ғолиби (1994, 1996, 1997, 1998), ўн карра Эстония чемпиони (100 м масофага югуришда – 1999; 110 м тўсиқлар билан ўтишда – 1998, 1999; таянч сакрашда – 1989, 1994, 1996, 1997, 2003; ўнкураш – 1992, 1992).
Бошқа фактлар
Ёзма ва онлайн овоз бериш натижаларига кўра 1999-йилда тузилган ХХ асрдаги Эстониянинг 100 та буюк арбоби рўйхатига киритилган[5]. 2001-йилда Олимпия чемпиони тасвири туширилган почта маркаси чиқарилади[6].
Манбалар
- ↑ „Состав Рийгикогу“. Официальный сайт Рийгикогу. 2012-йил 12-сентябрда асл нусхадан архивланган. Қаралди: 2012-йил 18-феврал.
- ↑ 2,0 2,1 Соммер-Калда С. Самые большие травмы Эрки Ноол получил как политик, а не как спортсмен-рекордсмен // Северное побережье : газета. — 22.11.2011. Архивировано 4 март 2016 года.
- ↑ „Эрки Ноол“. спорц-референcе.cом. 2012-йил 12-сентябрда асл нусхадан архивланган. Қаралди: 2012-йил 18-феврал.
- ↑ 4,0 4,1 4,2 Соболева Н. Эрки Ноол — герой Сиднея-2000 — в Нарве-2010 // Нарвская газета. — 05.11.2010. Архивировано 14 ноябр 2010 года.
- ↑ Сажанди сада Ээсти сууркужу / Коостануд Тиит Кäндлер. – Таллинн: Ээсти Энцüклопеэдиакиржастус, 2002. – 216 лк. ИСБН 998570102Х.
- ↑ „ХХВИИ Олимпийские игры. Сидней, Австралия (2000) Олимпийские медали“. Олимпийская энциклопедия. 2016-йил 6-мартда асл нусхадан архивланган. Қаралди: 2012-йил 18-феврал.