Etilen

Этилен, этен, C₂Ҳ₄— энг оддий тўйинмаган углеводород, олефинлар гомологик қаторининг бошланғич аъзоси; кучсиз ҳидли, рангсиз, заҳарли, ёнувчан газ. Суюқланиш температураси – 169,5°, қайнаш температураси 103,8°; зичлиги 566 кг/м3. Этилен бирикиш реаксияларига жуда шиддатли киришади. Этилен – органик бирикмаларни синтезлашда муҳим бошланғич маҳсулотлардан бири. Этиленни полимерлаш асосида саноатда полиэтилен олинади. Этил спирти, этиленгликол, этиленоксид, этиленпропилен каучуклар ва бошқалар олишда қўлланади. Тиббиётда жарроҳлик операцияларида умумий наркоз сифатида ҳам ишлатилади. Нефтни қайта ишлаш орқали ва табиий газдан кўп миқдорда арзон этилен олинади.