Fatma Omar
Фатма Омар (1973-йил 17-ноябрда туғилган) — мисрлик паралимпиада пауэрлифтингчи. У −56 кг вазн тоифасида қатнашган. Омар Ёзги Паралимпиада ўйинларида кетма-кет тўртта олтин медални қўлга киритган ҳамда ИПC пауэрлифтинг бўйича жаҳон чемпионатида тўртта олтин медал соҳиби бўлган.
| Фатма Омар | |
|---|---|
| Шахсий маълумотлари | |
| Жинси | аёл |
| Фуқаролиги | Миср |
| Таваллуд санаси |
1973-йил 17-ноябр Қоҳира, Миср |
| Бўйи | 145 см |
| Болалари | 2 нафар қизи |
| Спорт | |
| Мамлакат | Миср |
| Қайси спорт | Пауэрлифтинг |
| Спорт мукофотлари | ||
|---|---|---|
| Аёллар ўртасида Пауэрлифтинг | ||
 Миср вакили
| ||
| Паралимпиада ўйинлари | ||
| Олтин | Сидней-2000 | −44 кг |
| Олтин | Афина-2004 | −56 кг |
| Олтин | Пекин-2008 | −56 кг |
| Олтин | Лондон-2012 | −56 кг |
| Кумуш | Рио-де-Жанейро-2016 | −61 кг |
| Жаҳон чемпионати | ||
| Олтин | Дубай-1998 | −44 кг |
| Олтин | Куала-Лумпур-2002 | −44 кг |
| Олтин | Бусан-2006 | −56 кг |
| Олтин | Дубай-2014 | −61 кг |
| Бронза | Тбилиси-2021 | −67 кг |
Шахсий ҳаёти
Омар 1973-йилда Қоҳирада туғилган[1][2][3]. У бир ёшида полиомиелит билан касалланган ва бу унинг умуртқа поғонасига зарар етказган[2]. Унинг икки нафар қизи бор[2].
Пауэрлифтингдаги фаолияти
Омар Миср шарафини илк бор 1998-йилда Дубайда ўтказилган ИПC пауэрлифтинг бўйича жаҳон чемпионатида ҳимоя қилган. У −44 кг вазн тоифасида қатнашиб, олтин медални қўлга киритган. Ушбу муваффақиятдан сўнг у 2000-йилги Ёзги Паралимпиада ўйинларида қатнашиш учун Миср терма жамоасига танланган[2].
Сиднейда ўтказилган 2000-йилги Паралимпиада ўйинларида Омар −44 кг вазн тоифасида қатнашиб, 109 кг натижа билан олтин медални қўлга киритган. У финалда Луcй Огечукwу Эжикени ортда қолдирган. Тўрт йил ўтиб, Афина Паралимпиадасида Омар −56 кг вазн тоифасига ўтган ва 127,5 кг натижа билан олтин медални қўлга киритган[2].
2008-йилги Пекин Паралимпиадасида Омар яна −56 кг вазн тоифасида қатнашган. У 141,5 кг натижа билан жаҳон рекордини ўрнатиб, олтин медални қўлга киритган[2].
Пекиндаги ғалабасидан сўнг, нигериялик Луcй Эжике Омар қатнашадиган −56 кг вазн тоифасига ўтишини маълум қилган. Натижада икки спортчи 2012-йилги Лондон Паралимпиадасида яна рақиб сифатида учрашган[2][4]. Эжике биринчи уринишда 135 кг натижа билан пешқадамлик қилган, бироқ кейинги уринишида бу натижани яхшилай олмаган. Омар эса сўнгги уринишида 142 кг кўтариб, Пекиндаги рекордини янгилаган ва кетма-кет тўртинчи олтин медалини қўлга киритган[2].
Тўрт йил ўтиб, Эжике ва Омар 2016-йилги Рио-де-Жанейро Паралимпиадасида учинчи марта ўзаро рақобатлашган. Лондон Паралимпиадасидан кейин Халқаро Паралимпия қўмитаси пауэрлифтинг бўйича эркаклар ва аёллар вазн тоифаларини ўзгартирган ва икки спортчи аёллар ўртасидаги −61 кг вазн тоифасида қатнашган. 2015-йилда мексикалик Амалиа Пéрез −61 кг вазн тоифасида 133 кг натижа билан жаҳон рекордини ўрнатган, бироқ Эжике биринчи уринишидаёқ 135 кг кўтариб, бу рекордни янгилаган[5].
Омар биринчи уринишида 133 кгни кўтара олмаган, бироқ иккинчи уринишида айни натижани қайд этган. Эжике иккинчи уринишида 138 кг кўтариб, куннинг иккинчи жаҳон рекордини ўрнатган[5]. Омар сўнгги уринишида 140 кг кўтариб, вақтинча иккинчи ўринга кўтарилган. Бироқ Эжике 142 кг натижа қайд этиб, Омарни кумуш медал билан кифояланишга мажбур қилган[5].
2021-йилда Омар Грузиянинг Тбилиси шаҳрида ўтказилган 2021-йилги Пара пауэрлифтинг бўйича жаҳон чемпионатида −67 кг вазн тоифасида бронза медални қўлга киритган[6][7].
Манбалар
- ↑ „Поwерлифтинг - ОМАР Фатма“. Токё 2020 Паралймпиcс. Токё Органисинг Cоммиттеэ оф тҳе Олймпиc анд Паралймпиc Гамес. 2021-йил 30-августда асл нусхадан архивланган. Қаралди: 2021-йил 30-август.
- ↑ 2,0 2,1 2,2 2,3 2,4 2,5 2,6 2,7 „Омар, Фатма“. ИПC. 2016-йил 13-сентябрда асл нусхадан архивланган. Қаралди: 2016-йил 4-сентябр.
- ↑ „Паралймпиc - ОМАР Фатма - Поwерлифтинг - Эгйпт“. Рио 2016 Паралймпиcс. Рио 2016 Органисинг Cоммиттеэ фор тҳе Олймпиc анд Паралймпиc Гамес. — „Дате оф биртҳ: Новембер 17, 1973“. 2016-йил 30-октябрда асл нусхадан архивланган. Қаралди: 2016-йил 30-сентябр.
- ↑ „Нигериа аиминг ҳигҳ ат Фазаа Поwерлифтинг Чампионшипс“. паралймпиc.орг (2013-йил 21-феврал). 2016-йил 29-октябрда асл нусхадан архивланган. Қаралди: 2016-йил 29-октябр.
- ↑ 5,0 5,1 5,2 „Ресулц - Wомен'с -61 кг Гроуп А“. Интернатионал Паралймпиc Cоммиттеэ (2016-йил 11-сентябр). 2016-йил 30-октябрда асл нусхадан архивланган. Қаралди: 2016-йил 29-октябр.
- ↑ „Тбилиси 2021: Эжике анд Беттир wин наил-битинг баттлес“. Паралймпиc.орг (2021-йил 1-декабр). 2021-йил 1-декабрда асл нусхадан архивланган. Қаралди: 2021-йил 1-декабр.
- ↑ „2021 Wорлд Пара Поwерлифтинг Чампионшипс Ресулц Боок“. Паралймпиc.орг. 2021-йил 24-декабрда асл нусхадан архивланган. Қаралди: 2021-йил 24-декабр.