Gannibal

Ганнибал, Анн и бал Барка (мил. ав. тахминан 247 ёки 246, Карфаген — мил. ав. 183, Вифиния) —Карфаген саркардаси. Гамилъкар Барканинг ўғли. 2-Пуни уруши даври (218—201) да Алп тоғларидан ошиб ўтиб, Тицин, Треббия дарёлари (218), Тразимен кўли (217), Канна (216) яқинида римликлар устидан ғалаба қозонган. Зама (Шим. Африка) ёнидаги жанг (202) да Ганнибал Рим қўшинидан мағлубиятга учраган ва Рим шартлари асосида сулҳ битими имзолашга мажбур бўлган. Урушдан сўнг Ганнибал Карфагенни бошкарган. Римга қарши янгидан уруш очишга тайёргарлик кўраётганидан Римдагилар хабардор бўлиб қолганларидан хавфсираган Ганнибал Сурия подшоси Антиох ИИИ ҳузурига қочиб бориб унинг ҳарбий маслаҳатчиси бўлган. Антиох ИИИ Римга қарши уруш (мил. ав. 192— 188)да енгилгач, римликлар Ганнибални беришни талаб қилганлар. Ганнибал Арманистон, сўнгра Вифинияга яширинган. Вифиния подшоси Прусий Рим тазйиқи остида Ганнибални улар қўлига топширмоқчи бўлганидан хабар топган Ганнибал заҳар ичиб ўлган.

Ганнибал
Ганнибалнинг Капуя шаҳридан топилган ҳайкали. Неапол миллий музейи
Таваллуди	мил. ав. 247 Карфаген
Вафоти	мил. ав. 183 Вифиния
Хизматдаги йиллари	мил. ав. 218 - 201
Қўмондонлик қилган	2-Пуни урушида Карфаген саркардаси
Жанг/уруш	2-Пуни уруши
Алоқа	Гамилкар Барка

Адабиётлар

• ЎзМЕ. Биринчи жилд. Тошкент, 2000-йил