Ziyosfera

Gavhar Moʻminova

Vikipediyada ismi Gavhar va familiyasi Moʻminova boʻlgan boshqa kishilar haqida ham maqolalar mavjud.

Gavhar Esanovna Moʻminova (1969-yil 1-noyabr, Chiroqchi tumani, Qashqadaryo viloyati, Oʻzbekiston SSR[2]) — oʻzbekistonlik tarixchi olima, tarix fanlari doktori (2018), professor (2022[5]). Oʻzbekiston Fanlar akademiyasi Tarix instituti bosh ilmiy xodimi[1].

Gavhar Moʻminova
Tavalludi 1-noyabr 1969-yil[1]
Chiroqchi tumani, Qashqadaryo viloyati, Oʻzbekiston SSR[2]
Istiqomat joylari Qarshi, Toshkent
Fuqaroligi Oʻzbekiston bayrogʻi Oʻzbekiston
Kasbi tarixchi, pedagog
Sohasi tibbiyot tarixi
Ish joylari Qarshi davlat universiteti Tarix fakulteti, Oʻzbekiston Fanlar akademiyasi Tarix instituti
Taʼlimi Qarshi pedagogika instituti (hozirgi Qarshi davlat universiteti)
Ilmiy darajasi fan foktori
Ilmiy unvoni professor
Akademik rahbarlari
Mashhur ishlari Oʻzbekistonda XIX-XXI asrlarda tibbiyot va sogʻliqni saqlash, ijtimoiy himoya, oliy taʼlim, xotin-qizlar masalasi va gender tenglik muammolari, huquqni muhofaza qilish organlari va sud ishlari tarixi
Dini islom

Tarjimayi holi

1969-yil 1-noyabrda Oʻzbekistonning Qashqadaryo viloyati Chiroqchi tumanida shifokorlar oilasida tugʻilgan. Otasi — taniqli ortoped Eson Moʻminov[3]. Oʻrta taʼlimni Qarshidagi maktabda olib, 1987-yil Qarshi pedagogika instituti (hozirgi Qarshi davlat universiteti) tarix fakultetiga oʻqishga qabul qilinadi. Oʻqishni 1992-yil imtiyozli diplom bilan tamomlaydi[2]. Soʻngra 1999-yildan Qarshi davlat universiteti Tarix fakulteti Oʻzbekiston tarixi kafedrasida katta oʻqituvchi lavozimida faoliyatini boshlaydi[6].

Uzoq yillik faoliyatidan soʻng 2019-yili Jahon tarixi kafedrasida mudira lavozimiga tayinlanadi. Ushbu lavozimda to 2023-yilgacha ishlab kelgan[7][6][8]. 2025-yildan Fanlar akademiyasi Tarix instituti „Eng yang davr tarixi“ boʻlimida yetakchi ilmiy xodim oʻlaroq ish boshlagan. Hozirda ushbu institutda bosh ilmiy xodim oʻlaroq loyiha va ilmiy yigʻinlarda ishtirok etib kelmoqda[1].

Ilmiy faoliyati

Gavhar Moʻminova 2000-yilda „Oʻzbekistonda tibbiyot va sogʻliqni saqlash: muammo va oqibatlar (1946—1990-yillar, janubiy viloyatlar misolida)“ mavzusida nomzodlik dissertatsiyasini himoya qilib falsafa fanlari nomzodi darajasini oladi. Uzoq yillik izlanishlaridan soʻng 2018-yil „Oʻzbekistonda sovet davrida sogʻliqni saqlash tizimi tarixi (1917—1991-yillar)“ mavzusida doktorlik dissertatsiyasini yoqlaydi[9] hamda ushbu ish natijalariga koʻra tarix fanlari doktori ilmiy darajasi beriladi[6].

Oʻzbekistonda tibbiyot tarixi mavzusida yetakchi olima oʻlaroq tanilgan. Shuningdek „Oʻzbekistonda sogʻliqni saqlash sohasi islohotlari“, „Xalq tabobati va uning jamiyat rivojidagi oʻrni“, „Oʻzbekistonda sud-huquq tizimidagi islohotlar“, „Oʻzbekistonda bojxona ishi“, „Tibbiy kadrlar tayyorlash muammolari“, „Oʻzbekistonda xotin-qizlar muammosi va gender tenglik masalasi“, „Oʻzbekistonda oliy taʼlim tarixi“ kabi mavzularda izlanish olib bormoqda[7].

Ilmiy rahbarligida 10 dan ortiq ilmiy tadqiqot ishlari hamda 20 ga yaqin magistrlik dissertatsiyalari himoya qilingan[10].

Ilmiy faoliyati davomida Oʻzbekistondan tashqari Germaniya, Rossiya, Turkiya, Qozogʻiston, Hindiston, Ukraina kabi turli mamlakatlarda ham turli ilmiy konferensiyalarda qatnashgan hamda chiqishlar qilgan[10].

Shaxsiy hayoti

Oilali. 2 farzandi, 3 nabirasi bor. Oʻgʻli — Jasur ishki ishlar tizimida mutaxassis, qizi — Shohsanam oliy taʼlim muassasasida oʻqituvchi[11].

Ishlari

Olima 150 dan ortiq ilmiy ishlar muallifi, 7 ta monografiya hamda 5 ta oʻquv qoʻllanma shular jumlasidandir[5][10].

Monografiyalari

  1. Ўзбекистонда соғлиқни сақлаш тизими тарихи (1917–1991 йиллар). Toshkent. „Yangi nashr“ nashriyoti, 2015. 210 bet.
  2. Реформирование системы здравоохранения. AQSH. Amazon, 2022. 175 bet.
  3. История развития здравоохранения в Узбекистане: монография. Qarshi. „INTELLEKT“ nashriyoti, 2023. 150 bet.
  4. Ўзбекистон суд-ҳуқуқ тизими тарихи. Қарши: „Big Makro World“ nashriyoti, 2024. 134 bet.
  5. Қашқадарё вилояти суди тарихи. Qarshi. 2025. 352 bet.
  6. Қарши давлат университети: ташкил топиши ва ривожланиш тарихи. Qarshi. 2025. 239 bet.
  7. Ўзбекистонда мустақиллик йилларида суд-ҳуқуқ тизимидаги трансформация жараёнлари (Қашқадарё вилояти мисолида). Qarshi, 2025. 145 bet.

Manbalar

  1. ↑ 1,0 1,1 1,2 „"Eng yangi davr tarixi" bo‘limi: Xodimlar“. fati.uz. Oʻzbekiston Fanlar akademiyasi Tarix instituti. Qaraldi: 2026-yil 26-oktabr.
  2. ↑ 2,0 2,1 2,2 Ергашева, Имомова & Қашқадарё илм юлдузлари 2021, s. 13.
  3. ↑ 3,0 3,1 Ергашева, Имомова & Қашқадарё илм юлдузлари 2021, s. 14.
  4. ↑ „Муминова Гавхар Эсановна“. olimlar.uz. Qaraldi: 2026-yil 28-oktabr.
  5. ↑ 5,0 5,1 Мўминова, Шадиева & Қарши давлат университети: ташкил топиши ва ривожланиш тарихи 2025, s. 180.
  6. ↑ 6,0 6,1 6,2 Бобоқулов & Қашқадарёнинг фахрли фарзандлари 2026, s. 423.
  7. ↑ 7,0 7,1 Мўминова, Шадиева & Қарши давлат университети: ташкил топиши ва ривожланиш тарихи 2025, s. 179.
  8. ↑ „Jahon tarixi kafedrasi“. qarshidu.uz. Qaraldi: 2026-yil 28-oktabr.
  9. ↑ „Муминова Гавхар Эсановнанинг фан доктори (DSc) диссертацияси ҳимояси ҳақида эълон“. oak.uz. Ozbekiston Fanlar akademiyasi Oliy attestatsiya komissiyasi. Qaraldi: 2026-yil 28-oktabr.
  10. ↑ 10,0 10,1 10,2 Бобоқулов & Қашқадарёнинг фахрли фарзандлари 2026, s. 424.
  11. ↑ Ергашева, Имомова & Қашқадарё илм юлдузлари 2021, s. 16.

Adabiyotlar

  • Ергашева Ю.А; Имомова Г.М. Қашқадарё илм юлдузлари (oʻzbekcha), Qarshi, 2021 — 239-bet. 
  • Бобоқулов, Саъдулла „Илм-фан намояндалари“, . Қашқадарёнинг фахрли фарзандлари (oʻzbekcha). Тошкент: „Ijod Nashr“ нашриёти, 2026 — 712-bet. ISBN 978-9910-8441-5-7. 
  • Мўминова Гавҳар; Шадиева Дилноза. Қарши давлат университети: ташкил топиши ва ривожланиш тарихи (oʻzbekcha), Қарши, 2025 — 236-bet. 

Havolalar

"https://new.ziyosfera.uz/ziyo/19914441" dan olindi