Gaz generatori

Газ генератори (газ... ва лот. генератор — ҳосил қилувчи) — 1) асо-сан қаттиқ ва суюқ ёқилғилардан ёнувчи газ ҳосил қиладиган аппарат. Газ генераторининг транспорт ва муқим (стационар) турлари бор. Транспорт Г.г.да ўтин, пистакўмир, антрацит ва торф каби қаттиқ ёқилғилардан автомобил ва тракторларнинг двигателлари учун ёнувчи газ олинади. Муқим Г.г. қизитиш, пишириш ва эритиш печлари ўрнатилган саноат корхоналари учун газ ишлаб чиқаради. Газ генератори кўпинча ички деворлари ўтга чидамли ғиштдан териладиган шахтадан иборат бўлади. Бу шахтага юқоридан ёқилғи солиб турилади, пастдан ҳаво юборилади, ёқилғи қатламини колосникли панжара кўтариб туради. Газ генераторининг иши ёнилғини юқори температураларда ҳавода оксидлашга ва сув буғида оксидлашга асосланган. Босим остида ва буғкислород аралашмасидан фойдаланган ҳолда кўмирдан таркибида 15% гача метан бўлган шаҳар гази ҳосил бўлади; 2) суюқликли ракета двигатели генератори — ёқилғи ёки унинг компонентлари ёниши ёки парчаланиши (термик, каталитик ва ҳоказо) ҳисобига қайноқ газ (температураси 200—900°) ишлаб чиқариладиган аппарат. Бундай газ турбонасос аг-регатини ҳаракатга келтириш учун иш жисми ҳисобланади. Бундай газ генераторининг асосий иш органлари — аралаштириш каллаги ва каллак.

Адабиётлар

• ЎзМЕ. Биринчи жилд. Тошкент, 2000-йил