Geksatiuram

Гексатиурам — ўсимликларни фитопатоген замбуруғлардан ҳимоя қилишда ишлатиладиган кимёвий препарат. Асосан уруғликни дорилашда қўлланади. 50% ли тигам (ТМТД) ва 30% ли гексахлорбензолнинг (ГХБ) механик аралашмаси (80% ли ҳўлланувчан кукун). Буғдойнинг чанг крракуясига ва илдиз чириш касаллигига, маккажўхорининг пуфакли қоракуяси ва моғорланишига, ғўзанинг илдиз чириши касаллигига қарши қўлланади. Гексатиурам билан уруғларни дорилаш уруғлик тайёрланаётган вақтда ёки экишдан олдин марказлаштирилган ҳолда ўтказилади. Сарф нормаси бир тонна ғалла уруғлигига 2 кг , бир тонна чигитга 8-10 кг . Ишлатишдан олдин препарат 5-10 л сув билан намланади. Кам заҳарли. Кумулятив хоссага эга.

Адабиётлар

• ЎзМЕ. Биринчи жилд. Тошкент, 2000-йил