Geoantiklinal

Геоантиклинал (гео..., анти... ва антиклинал) — Ер пўстининг геосинклинал системаси доирасидаги алоҳида кўтарилган қисми. Узунлиги бир неча юз км га, кенглиги ўнларча км га етади. Геоантиклиналкўпинча бир қанча геологик даврлар давомида мавжуд бўлган. Геосинклиналнинг ривожланиш даври охирги босқичида бурмаланган тоғликларнинг ядросига айланади. Г.га Курил ороллари ёйи, Марказий Қозоғистон, Урал ва б. мисол бўлади. Геоантиклиналгеосинклиналлардан уни ташкил этган жинслар қалинлигининг камлиги ва баъзи бир чўкинди жинс горизонтларининг йўқлиги билан фарқланади. Г.да интенсив бурмаланишлар содир бўлади. Г.даги тоғ жинслари кам ўзгаради. Айрим раённинг тектоник тузилиши ва Ернинг геологик ривожланиши тарихини ўрганишда Г.нинг аҳамияти катта.

Адабиётлар

• ЎзМЕ. Биринчи жилд. Тошкент, 2000-йил