Geoffrey Wilkinson

Уилкинсон Жефри (14-июл 1921, Тодмордон – 26-сентябр 1996, Лондон) — инглиз органик кимёгари. Лондон қироллик жамияти аъзоси (1965-йилдан). Атом энергияси бўйича бирлашган Англия—АҚСҲ—Канада лойиҳасида (1943—46), Калифорния университетида (1946—50), Массачусец технология институтида (1950—51), Гарвард университетида (1951—55) ишлаган, Лондон университети професспр (1956-йилдан). Илмий ишлари металлорганик бирикмалар кимёсига оид. Енгил шароитларда олефинлар ва ацетилен углеводородларни гидрогенлашда қўлланадиган универсал гомоген катализатор — [(C6Ҳ5)3П]3РҳCл (Уилкинсон катализатори) кашф этган (1958). Гексаметилволфрам ва бошқа металларнинг барқарор алкил ҳосилаларини синтез қилган. Нобел мукофоти лауреати (1973, Эрнст Фисчер билан ҳамкорликда).