George Gabriel Stokes

Георге Габриэл Стокес

СТОКС (Стокес) Жорж Габриел (1819.13.8, Скрин, Ирландия — 1903.1.2, Кембриж) — инглиз физиги ва математиги, Лондон қироллик жамияти аъзоси (1851-йилдан) ва унинг президенти (1885—90). Кембриж университетини тугатган (1841). 1849-йилдан шу университет профессор Илмий ишлари оптика, гидродинамика ва математик физикага оид. Оптикада Нютон ҳалқаси, аберрация, интерференсия, люминессенсия, флуорессенсия ва ёруғликнинг қутбланишини ўрганди. Хусусан, фотолюминессенсия тўлқин узунлиги уни ҳосил қиладиган еруғлик тўлқин узунлигидан катта бўлишини тасдиқлайдиган қоида (Стоке қоидаси) ни топган (1852). Гидродинамикада қовушоқ суюқликлар ҳаракати назарияси (Наве—Стоке тенгламаси, Стоке қонуни) ни ишлаб чиққан. Кинематик ёпишқоклик бирлиги номи унинг шарафига қўйилган. С.математикада сирт бўйича ва уни ўраб турган эгри чизиқ бўйича олинган интеграллар орасидаги боғлиқлик аниклаган (Стоке формуласи).