Geterodin

Гетеродин (гетеро... ва юн. Дйнамис — куч) — кичик қувватли электрон лампа; яримўтказгичли юқори частота генератори. Г. кўп лампали супергетеродин радиоприёмниклар ва радиоўлчаш асбобларда юқори частота сигналларини ўзгартириш учун ишлатилади. Радиоприёмниклар қабул қилган у ёки бу частотали тебранишларни чегараланган оралиқ частотали тебранишларга ўзгартириб беради. Сўнгра бу оралиқ частотали сигналлар кучайтирилади. Г. чегараланган оралиқ частотали приёмникнинг тузилиши ва созлаш жараёнини соддалаштиради, катта кучайтириш коэффициентига эришиш имконини беради, радиоприёмникларни анча такомиллаштиради, уларнинг сезгирлиги ва пухталигини оширади (яна қ. Электрон лампалар, Яримўтказгичли асбоблар).

Адабиётлар

• ЎзМЕ. Биринчи жилд. Тошкент, 2000-йил