Gilli minerallar

Гилли минераллар - гилларнинг асосий таркибий қисми бўлган ва уларнинг физик-кимёвий, механик ва б. хусусиятларини белгиловчи сувли силикатлар гуруҳи. Ер юзасидаги алюминий ва магматик ҳамда метаформик тоғ жинслари силикатларининг нураш маҳсули. Нураш натижасида нураш ва седиментация муҳити физик-кимёвий шароитларининг ўзгаришига боғлиқ ҳолда гилли минераллар ички тузилиши ва кимёвий таркибининг босқичмабосқич ўзгариши содир бўлади. Г. м. зарраларининг ўлчами 0,01 мм дан ошмайди. Кристалл структурасига кўра гилли минераллар қатламли ва сохта қатламли силикатларга киради. Г. м. структурасидаги кристаллкимёвий фарқлар уларнинг кимёвий таркибидаги фарқларига мувофиқ келади. Шу хусусиятларига кўра Г. м. бирбиридан кескин фарқланади. Масалан, монтмориллонитли минераллар жуда юқори ўзаро модда алмашинув ва адсорбсион хоссаларига эга, каолинитли минералларда эса бу хусусиятлар камроқ намоён бўлган. Гидро-слюдалар гуруҳига мансуб Г. м. қиздирилганда ҳажми жуда катталашади. Г. м.ни аниқлашда инфрақизил спектроскопиядан, кимёвий рентген, электрон-микроскопик, термик методлардан фойдаланилади.

Адабиётлар

• ЎзМЕ. Биринчи жилд. Тошкент, 2000-йил