Govkush

Говкуш - Шайхонтоҳур даҳасидаги қадимий маҳалла. Хўжа Рушнойи, Баландмасжид, Дегрез маҳаллалари билан чегарадош бўлган ва Шайхонтоҳур кўчаси (Тошкўча; ҳозирги Навоий кўча)га туташган. Аҳолиси 600 га яқин киши; асосан, ўзбеклар Шайхонтоҳур ариғидан сув ичган. Аксарият аҳолиси тўқимачилик, косибчилик ва бошқа ҳунарлар билан шуғулланган. Дўкон, масжид бўлган (20-а. бошлари). Маҳалла аҳолисининг дехқончилик ерлари ва боғлари Отчопарда ва Товқаттепада бўлган. Говкушнинг ҳозирги ҳудудида Ўзбек миллий академик драма театри ва Лабзак турар жой микрораёнининг бир кисми жойлашган.