Grano padano
Грана падано (италянча: Грана Падано, грана — „дон“ сўзидан, пишлоқнинг донли тузилишига ишора қилади ва Падано, По дарёсидан келади) — қаттиқ италян пишлоғи.
Бир оз ёнғоқ таъмига ўхшаш шўрроқ таъмли. Грана падано пармезан пишлоғини ёдга солади, лекин ундан фарқли ўлароқ, нафақат Эмилиа-Ромагна минтақасида, балки Италиянинг бошқа минтақалари, хусусан, Венеция, Трентино-Алто-Адиге, Пиэдмонт ва Ломбардияда ҳам ишлаб чиқарилади. Бу пишлоқ ва пармесан ўртасидаги яна бир фарқ уни ишлаб чиқариш учун хом ашёда (пармезан ишлаб чиқариш учун сигир сути ишлатилади, улар фақат ўт ва пичан билан озиқланади; Грана Падано учун сут таъминотида талаблар унчалик қаттиқ эмас).
1954-йилда Cонсорзио пер ла Тутела Дел Формаггио Грана Падано консорциуми ташкил этилди. Унинг мақсади кўплаб грана падано пишлоқ ишлаб чиқарувчи ширкатларни бирлаштириш эди. Ташкилот асосий вазифаси сифатида пишлоқ сифатини ва ишлаб чиқариш жараёни устидан техник назорат қилиш белгиланганди. 1955-йилда консорциум Грана Падано савдо белгисини бир қанча Европа мамлакатларида рўйхатдан ўтказди.
Белгиланган меъёрга кўра, 1 кг пишлоқ ишлаб чиқариш учун 17 литр сут керак бўлади. Грана Падано пишлоқи аста-секин, 18 ой давомида тайёр бўлади. Грана падано бутун йил давомида ишлаб чиқарилади, шунинг учун ҳам унинг сифати қўйилган вақтига қараб бироз фарқ қилиши мумкин.
Силиндрсимон шаклли пишлоқ донасининг диаметри 35-45 см, баландлиги 15-18 см. Ҳар бирининг вазни 24 дан 40 кг гача. Қобиғи ингичка, оқ ёки бир оз сарғиш тусда бўлади.
Грана падано алоҳида-алоҳида, вермут ва одатда қизил шаробга газак сифатида тановул қилинади. Шунингдек, пармезан сингари қирғичдан ўтказилган ҳолда пишлоқли макарон тайёрлаш учун, салатлар ва бошқа таомларга қўшилади[1].
Манбалар