Grelka

Грелка (рус. — иситкич) — баданнинг маълум жойини иситиш учун мўлжалланган мослама. Баданнинг грелка қўйиб иситиладиган қисмида қон кўп тўпланиб, оғриқ йўқолади. Резина халтача шақлидаги грелка ва электр токи билан исийдиган грелка мавжуд. Махсус грелка бўлмаса, оғзи тиқин билан маҳкам ёпиладиган шиша ишлатиш қам мумкин. Ичига иссиқ қум ёки қипиқ солинган (қуруқ иссиқ) халтадан фойдаланса ҳам бўлади. Резина грелкага ҳажмининг % қисмигача сув қуйилади ва қолган қисмидаги ҳаво эҳтиётлик билан чиқариб юборилади, оғзидаги тиқин яхшилаб бураб қўйилади. Грелка жуда иссиқ бўлса, олдин адёл устидан, бир оз совигач, чойшаб устидан, охирида баданга қўйилади. Киши совқотганда грелка биринчи тиббий ёрдам сифатида қўлланади (қаранг Совуқ олиши). Беморни парвариш қилиш, оғриқни қолдириш мақсадида грелка қўйилганда, албатта, врач билан маслаҳатлашиш лозим.

Адабиётлар

• ЎзМЕ. Биринчи жилд. Тошкент, 2000-йил