Guano

Гуано (испанча гуано) — қуруқ иқлим шароитларида денгиз қушларининг узоқ йиллар йиғилиб қолган ва чириган ахлати; азотли ва фосфорли ўғит. Қушлар кўплаб яшайдиган Чили, Перу, Жан. Африка соҳилларига яқин оролларда, Кариб денгизи оролларида кўп. Таркибида 9% атрофида Н, 13% Р2О5 ва 2 — 3% К,О бор. Г.ни майдалаб турли типдаги тупроқларда барча қишлоқ хўжалиги экинлари учун қўллаш мумкин. Шунингдек, балиқ овлаш ва балиқни канта ишлаш саноати чиқиндиларидан тайёрланадиган ўғит ҳам Г. деб аталади (таркибида 8—11% азот, 12 — 14% фосфор бор). Бундай ўғитлар асосан Япония, АҚСҲ, Норвегия, Франсияда ишлатилади.

Адабиётлар

• ЎзМЕ. Биринчи жилд. Тошкент, 2000-йил