Halima Alimova

Ҳалима Алимовна Алимова — (1940-йил, 21-апрел, Наманган, Ўзбекистон ССР, СССР) — таниқли ўзбекистонлик олима. Техника фанлари доктори (1994), профессор (1991).

Ҳалима Алимова
Таваллуди	21.04.1940 Наманган, О'збекистон ССР
Фуқаролиги	Ўзбекистон
Миллати	ўзбек
Соҳаси	техника
Мукофотлари

Таржимайи ҳоли

Ҳалима Алимова 1940-йил 21-апрелда Наманган вилояти Учқўрғон туманида таваллуд топган. Олий маълумотли. Техника фанлари доктори (1994), профессор (1991). У 1961-йил Тошкент то’қимачилик институтини тугатган. Ҳалима Алимова дастлабки меҳнат фаолиятини Марғилон ипак комбинатида бошлаган. У 1970—1990-йиллар Ўзбекистон ССР енгил саноат вазири ўринбосари, Давлат план қўмитаси раисининг биринчи ўринбосари, Ўзбекистон ССР олий совети депутати, Собиқ иттифоқ халқ депутати, Ўзбекистон касаба уюшмалари раиси, хотин-қизлар қўмитаси раиси, 1990—2005-йиллар Тошкент тўқимачилик ва енгил саноат институти ректори, 2005-йилдан буён „Ипак технологияси“ кафедраси профессори. Ҳалима Алимова ҳозирги кунда жамоат ишларида фаол иштирок этиб келмоқда.

Илмий фаолияти

Ҳалима Алимова ипакнинг чиқиндисиз технологиясини, тўқимачилик техника-технологиясини яратиш бўйича ўз илмий мактабини яратди. У ўз соҳаси бўйича 400 дан ортиқ илмий мақола, 2 та дарслик, 52 та патент, 12 та монография муаллифи. Ҳалима Алимова 7 нафар техника фанлари доктори, 9 нафар техника фанлари номзодини тайёрлаган. У Хитойнинг Сичуан енгил ва қог’оз саноати университети ҳамда Иваново то’қимачилик академиясининг фахрий профессори, „Халқаро то’қимачилик Академияси“ нинг академиги, „Нуфузли тинчлик элчиси“ фахрий унвонига эга.

Мукофотлари

Ҳалима Алимованинг илмий фаолияти ва давлат олдидаги хизматлари муносиб баҳоланиб, 1966-йил ИИ даражали Фидокорона меҳнати учун медали, 1976-йил Ҳурмат белгиси ордени, 1991—2001-йил Мустақиллик ко’крак нишони, 2017-йил Дўстлик ордени, 2018-йил Меҳнат фахрийси И даражали кўкрак нишони билан мукофотланган.