Headbang

Ҳеадбанг, Жоҳаннесбургдаги клублардан бири, Жанубий Африка Республикаси

Ҳеадбанг ёки ҳеадбангинг (ҳедбанг, ҳедбангинг деб талаффуз қилинади; ингл. ҳеад — бош, калла, банг — тебратиш, уриш) ҳеавй метал мусиқаси остида тушиладиган бир рақс тури бўлиб, унда бошни мусиқа ритмига монанд тебратилади. Ҳеадбанг қилаётган одамга ҳеадбангер, дейилади. Ҳеадбангернинг сочи узун бўлса, рақс айниқса эффектли кўринади. Ҳеадбанғдан сўнг алкогол таъсирига ўхшаган сарҳуш кайфият пайдо бўлиши кузатилади. Бу ҳам ҳеадбанг қилишнинг сабабларидан биридир.

Тарих

Бош силкитиб рақсга тушиш ибтидоий замонлардан бери маълум, у ритуал базмлар пайтида одамлар транс ҳолатида тушаётган рақсларининг бир қисмини ташкил қилган. Лекин рок мусиқага «ҳеадбанг» рақси ва атамаси 1968-йили Лед Зеппелиннинг Бостондаги консерти пайтида кириб келган, деб ҳисобланади. Ўша консертда биринчи қаторларда турган тингловчилар бошларини мусиқага монанд равишда силкитишни бошлашган.

Усуллар

Ҳеадбангнинг кўпгина усуллари бор, жумладан:

Уп-анд-доwн: энг кенг тарқалган усул, бунда ҳеадбангер бошини пастга ва тепага силкитади.
Wиндмилл ёки Ҳелиcоптер: бошни парраклар каби айлантирилади. Cаннибал Cорпсе, Cрадле оф Филтҳ ва Слипкнот мусиқачилари томонидан кўп ишлатилади.
Друнк стйле: бошни маст-аласт кимсадек бетартиб силкитиш.
Ҳалф-cирcле: бошни ярим айлана бўйича у ёқдан бу ёққа силкитиш. Слаер мусиқачилари томонидан қўлланади.
Сиде-то-сиде ёки Но-но банг: бошни чап-ўнг томонларга тебратиш (худди «йўқ» деётгандек). Статиc-Х, Чилдрен оф Бодом, Слипкнот, Сйстем оф а Доwн, Металлиcа ва ҲИМ мусиқачилари ишлатишади.
Wҳиплаш: уп-анд-доwн усулининг тезлашган кўриниши. Металлиcа ва Раммстеин мусиқачилари баъзида қўллашади.

Соғлиққа таъсири

Ҳеадбанг бўйин ва умуртқа оғриқларини келтириб чиқариши мумкин, лекин бу оғриқлар бир-икки кунда ўтиб кетади. Бироқ, агар ҳеадбангдан аввал керакли тайёргарлик кўрилмаса, бўйин машқлари қилинмаса, томир тортишиб қолиши мумкин. Унинг мияга зарари бор эканлиги ҳам даъво қилинган, аммо бу исботланмаган. Лекин ҳар эҳтимолга қарши ҳеадбангли консертларга ҳафтасига бир маротабадан кўп бормаслик тавсия этилади.

Шунингдек