Higashine
Ҳигашине (японча: 東根市, Ҳигашине-ши) Япониянинг Ямагата префектурасида жойлашган шаҳардир. 2020-йил 1-феврал ҳолатига кўра, шаҳарда 17868 хонадонда ҳисобланган аҳоли сони 47910 кишини, аҳоли зичлиги эса ҳар квадрат километрга 230 кишини ташкил қилган[1]. Шаҳарнинг умумий майдони 207,17 квадрат километр (80 ми²) ни ташкил этади.
Ҳигашине 東根市 | |
|---|---|
| Шаҳар | |
 | |
 Байроқ | |
| Мамлакат | Япония |
| Асос солинган | 1958-йил 3-ноябр |
| Майдон | 20,717 км2 (7,999 кв ми) |
| Иқлим тури | нам континентал иқлим |
| Расмий тил(лар)и | япон |
| Аҳолиси (2020-йил феврал) |
47 910 |
Географияси
Ямагата ҳавзасининг шимолий қисмида Могами дарёсининг шарқий қирғоғида жойлашган Ҳигашине шаҳар ҳудуди Ширасуи дарёси, Мураямано дарёси ва шаҳарнинг шарқий қисмидаги Оу тоғларидан оқиб чиқадиган Нитто дарёси томонидан яратилган чўкинди жинслар майдонида жойлашган. Шаҳарнинг ғарбий қисми тепаликлардан иборат бўлиб, унинг шарқий чегарасини ташкил этувчи Оу тоғларига қадар кўтарилиб боради.
Қўшни муниципалитетлар
Иқлими
Ҳигашине нам континентал иқлимга эга (Кöппен иқлим таснифи Cфа), катта мавсумий ҳарорат фарқлари кузатилади, иссиқ (ва кўпинча нам) ёз ва совуқ (баъзан қаттиқ совуқ) қиш бу ҳудудга хосдир. Ёғингарчилик йил давомида сезиларли бўлса-да, лекин августдан октябргача энг кучли даражаси қайд этилган. Ҳигашинеда ўртача йиллик ҳарорат 11.4 °C (52.5 °Ф) га тенг. Йиллик ўртача ёғин миқдори 1,088.2 мм (42.84 ин) бўлиб, энг серёғин ой июл ҳисобланади. Августда энг юқори ҳарорат 24.7 °C (76.5 °Ф) атрофида ва энг паст ҳарорат январда, тахминан −1.1 °C (30.0 °Ф) атрофида кузатилади.
| Ҳигашине иқлими | |||||||||||||
|---|---|---|---|---|---|---|---|---|---|---|---|---|---|
| Кўрсаткич | Ян | Фев | Март | Апр | Май | Июн | Июл | Авг | Сен | Окт | Ной | Дек | Йил |
| Ўртача максимал, °C | 2,3 | 3,5 | 8,3 | 15,7 | 22,3 | 26,0 | 28,4 | 30,2 | 26,0 | 19,3 | 12,3 | 5,4 | 16,6 |
| Ўртача минимал, °C | −5,3 | −5 | −2,1 | 2,5 | 8,7 | 14,4 | 19,2 | 20,2 | 15,7 | 7,9 | 2,1 | −2,3 | 6,3 |
| Ёғингарчилик меъёри, мм | 90,4 | 53,1 | 61,6 | 59,7 | 63,4 | 86,1 | 162,3 | 123,1 | 100,3 | 96,0 | 80,8 | 111,3 | 1 088,2 |
| Манба: Япония метрология агентлиги[2][3] | |||||||||||||
Демографияси
Япония аҳолини рўйхатга олиш маълумотларига кўра[4], Ҳигашине аҳолиси сўнгги 50 йил ичида барқарор равишда ўсиб борган.
| Йил | Аҳоли | ±% |
|---|---|---|
| 1920 | 25,059 | — |
| 1930 | 28,626 | +14.2% |
| 1940 | 30,257 | +5.7% |
| 1950 | 42,767 | +41.3% |
| 1960 | 40,917 | −4.3% |
| 1970 | 39,113 | −4.4% |
| 1980 | 40,559 | +3.7% |
| 1990 | 42,751 | +5.4% |
| 2000 | 44,8 | +4.8% |
| 2010 | 46,414 | +3.6% |
| 2020 | 47,682 | +2.7% |
Тарихи
Ҳозирги Ҳигашине ҳудуди қадимги Дева вилоятининг бир қисми бўлган ва эрта Ҳеиан даврининг Энгишики ёзувларида қайд этилган. Эдо даврида Токугава сулоласи томонидан ҳудуднинг катта қисми Эзога асосланган Мацумаэ доменининг бир қисми сифатида эгалик қилган. Меидзи даври бошлангандан сўнг, ҳудуд Ямагата префектураси, Китамураяма тумани таркибига киритилди. Ҳигашине қишлоғи 1889-йил 1-апрелда замонавий муниципалитетлар тизимининг ўрнатилиши билан ташкил этилган ва 1896-йил 15-июнда шаҳарча мақомига кўтарилган. 1958-йил 3-ноябрда эса росмана шаҳар мақомини олди.
Ҳукумати
Ҳигашине тўғридан-тўғри сайланадиган мер ва 18 аъзодан иборат бир палатали шаҳар қонун чиқарувчи органи бўлган мер-кенгаш бошқарув шаклига эга. Шаҳарнинг Ямагата префектураси ассамблеясига икки аъзони қўшиш ҳуқуқи бор. Миллий сиёсат нуқтаи назаридан, шаҳар Япония Диэт қуйи палатасининг Ямагата округидаги 2-қисми ҳисобланади.
Иқтисодиёти
Ҳигашине „Мева қироллиги“ сифатида танилган, айниқса гилос, шунингдек олма, нок ва хурмо сингари мевалари билан машҳур. Шаҳар рамзи — гилос сирғалари бўлган нок ва олма билан безалган таёқ кўринишидадур. Ҳигашине Ямагата префектурасидаги энг йирик гилос ишлаб чиқарувчиси бўлиб, у Японияда гилос етиштириш бўйича учинчи ўринда туради.
Ҳигашине шунингдек, йирик саноат пунктига эга. Баъзи аҳамиятли саноат корхоналарига 3М, Cасио, ТҲК, ОДЕЛИC ва Кёcера кабилар киради. Ушбу корхоналарнинг аксарияти ишлаб чиқариш, тадқиқотлар ва турли ишланмаларни ўрганиш билан шуғулланади.
Таълим тизими
Ҳигашине шаҳрида тўққизта давлат бошланғич мактаби ва шаҳар ҳукумати томонидан бошқариладиган бешта давлат ўрта мактаби шунингдек, Ямагата префектураси таълим кенгаши томонидан бошқариладиган битта давлат ўрта мактаби фаолият юритади. Префектурада ногиронлар учун битта махсус таълим мактаби ҳам барпо этилган.
Транспорти
Аэропортлар
Темир йўл
Шарқий Япония темир йўл компанияси — Ямагата Шинкансен
- Сакуранбо Ҳигашине
Шарқий Япония темир йўл компанияси — Оу магистрал линияси
- Жинмачи — Сакуранбо Ҳигашине — Ҳигашине
Магистрал йўл
- Тōҳоку-Чūō Эхпрессwай — Ҳигашине ўзаро алмашиш стансияси
- Миллий йўналиш 13
- Миллий йўналиш 48
- Миллий йўналиш 287
Ҳарбий
Олтинчи Дивизия (японча: 第6師団) Япония қуруқликдаги ўзини-ўзи мудофаалаш кучларининг тўққизта фаол бўлинмаларидан бири бўлиб, бош қароргоҳи Ҳигашине шаҳридаги ЖГСДФ лагери Жинмачида жойлашган. Унинг вазифаси Фукушима, Мияги ва Ямагата префектураларини ҳимоя қилишдаан иборат
Ҳигашине шаҳридан чиққан таниқли одамлар
- Казушиге Абе, Акутагава мукофоти совриндори ёзувчи
- Масатоши Абе, сиёсатчи
- Томоаки Ҳонма, профессионал курашчи
Манбалар
- ↑ Ҳигашине Cитй оффиcиал статистиcс (Wайбаcк Мачине сайтида 26-октабр 2020-йил санасида архивланган) (японча)
- ↑ „жа:観測史上1～10位の値（年間を通じての値）“. ЖМА. Қаралди: 25-март 2022-йил.
- ↑ „жа:気象庁 / 平年値（年・月ごとの値）“. ЖМА. Қаралди: 25-март 2022-йил.
- ↑ Ҳигашине популатион статистиcс
Ҳаволалар
- Расмий веб -сайт (японча)
- Ямагата туризми (японча)