Hippolyte Fizeau

Арманд Ҳипполйте Лоуис Физеау (талаффузи: Арман Ипполит Луи Физо; (23-сентабр 1819-йил, Париж — 18-сентабр 1896-йил, Вантёй қалъаси) — франсуз физиги. Лондон Қироллик жамияти аъзоси (1875). Париж Фанлар академияси аъзоси (1860), президенти (1878). Коллежда ва Париж расадхонасида ўқиган. Париж политехника мактаби директори (1863-йилдан). Шу мактаб профессор (1865—67). Илмий ишлари физик оптикага оид. Айланувчи тишли ғилдирак ёрдамида ёруғлик тезлигини ўлчаш усули (Физеау усули)ни ишлаб чиққан (1849), ер шароитида биринчи марта ёруғлик тезлигини ўлчаган. Ҳаракатдаги сувда ёруғлик тезлигини ўлчаган (Физо тажрибаси, 1851). Физеау тажрибаси ёругликнинг тўлқин назариясини, тезликларни қўшишнинг релятивистик формуласини тасдиклашда муҳим рол ўйнайди.

Ҳипполйте Физеау
Таваллуди

Доплер эффектини тўғри талқин этган (Допплер — Физеау эффекти, 1848). Ёруғликнинг интерференсиясини кузатиш усулини (1849) ва қаттиқ жисмларнинг кенгайиш коэффициентини ўлчашнинг интерференсион усулини (1852) ишлаб чиққан. Индуксион ғалтак, интерференсион спектроскоп, дилатометр ясаган.